सीएपी अध्यक्षले सिक्किमका जनतालाई शिवरात्रिको शुभकामना दिए

गान्तोक, 15 फरवरी । शिवरात्रिको शुभ अवसरमा सिटिजन एक्सन पार्टी (सीएपी) सिक्किमका अध्यक्ष गणेश राईले सिक्किमका जनतामा हार्दिक शुभकामना व्यक्त गरेका छन्। उनले भगवान शिवको आशीर्वादले सबैको जीवनमा शान्ति, समृद्धि र आध्यात्मिक वृद्धि ल्याओस् भनी कामना गरेका छन्।
सीएपी सिक्किम अध्यक्ष राईले आज जारी आफ्नो सन्देशमा भने, शिवरात्री भनेको सत्य, करुणा र आन्तरिक शान्तिका अवतार भगवान शिवलाई सम्मान गर्दै चिन्तन र भक्ति गर्ने समय हो। भगवान शिवका शिक्षाहरूले हामीलाई सांसारिक इच्छाहरूबाट अलग रहन र भित्र खुशी खोज्न सम्झाउॅंछ।
यसरी नै स्पष्टता र एकाग्रता प्राप्त गर्न ध्यान र अनुशासनको अभ्यास गर्न, सबै प्राणीहरूलाई करुणा र क्षमा देखाउन र जीवनमा रूपान्तरण र नवीकरणलाई अँगालो हाल्न सिकाउॅंछ भनी उनले आफ्नो सन्देशमा भनेका छन्। अध्यक्ष राईले यो पवित्र रातले हामीलाई आध्यात्मिक जागरण र सद्भावतर्फ डोऱ्याओस् भनी कामना गरेका छन्।