गान्तोक, 20 सेप्टेम्बर। दरामदिन निर्वाचन क्षेत्रमा आज ११ परिवार भारतीय जनता पार्टी (भाजपा) मा सामेल भएका छन्। नयाँ सदस्यहरूको आगमनले पार्टीलाई थप बल पुगेको बताइएको छ। उनीहरूले भाजपाको विचारधारा, सिद्धान्त तथा दृष्टिकोण र प्रधानमन्त्री नरेन्द्र मोदीको नेतृत्वप्रति विश्वास व्यक्त गर्दै पार्टीमा प्रवेश गरेको भाजपा मिडिया सेलले प्रेस विज्ञप्तिमा जनाएको छ।भाजपामा प्रवेश गर्नेहरूमा अवकाशप्राप्त शिक्षिका इन्द्रमाया सुब्बा र अवकाशप्राप्त उपनिर्देशक हरिप्रसाद शंकरसहित अन्य नौ परिवार रहेका छन्। नवप्रवेशी सदस्यहरूलाई भाजपा प्रदेश अध्यक्ष डीआर थापाले पार्टीमा स्वागत गरे।प्रदेश अध्यक्ष थापाले नवप्रवेशी सदस्यहरूको स्वागत गर्दै उनीहरूको अनुभव तथा सार्वजनिक सेवाको पृष्ठभूमिले तल्लो तहमा पार्टीको सङ्गठनात्मक गतिविधिलाई थप सुदृढ बनाउन सहयोग पुग्ने विश्वास व्यक्त गरे।भाजपाका अनुसार, ११ परिवारको प्रवेशले सेवा, सुशासन तथा विकसित भारतको दृष्टिकोणमार्फत राष्ट्र निर्माण र जनसेवामा योगदान गर्न चाहने नागरिकहरूको सहभागिता बढिरहेको देखाएको छ। भाजपा सिक्किमले राज्यका समाजका सबै वर्गसम्म पुग्ने, राज्यभर सङ्गठनलाई थप सुदृढ़ बनाउने तथा सिक्किमको कल्याण र विकासका लागि समर्पित भएर काम गर्ने प्रयासलाई निरन्तरता दिने जनाएको छ।कार्यक्रममा प्रदेश महासचिव दिनेशचन्द्र नेपाल, पार्टीका पदाधिकारी तथा स्थानीय कार्यकर्ताहरूको उपस्थिति थियो।
