एसआईआर अभ्यासको नवौं दिन गान्तोक जिल्लाले गणना फाराम वितरणमा 80 हाजरको आंकड़ा पार गर्‍यो

गान्तोक, 08 जून । गान्तोक जिल्लामा बुथ स्तरीय अधिकारी (बीएलओ) हरूले विशेष गहन पुनरीक्षण (एसआईआर) २०२६ अन्तर्गत घर-घरमा पुगेर गणना फारामहरू वितरण जारी राखेका छन्। एसआईआर प्रक्रियामा दिव्याङ्ग र वृद्ध मतदाताहरूको सहभागिता सुनिश्चित गर्न विशेष प्रयास गरिॅंदैछ।
बीएलओहरू प्रत्येक योग्य मतदातालाई गणना फारामहरू वितरण गर्न धेरै दुर्गम क्षेत्रहरूको पनि यात्रा गरिरहेका छन्। तुमिनन-लिङ्गी निर्वाचन क्षेत्रका सम्बन्धित बीएलओहरूले हालैको पैह्रोबाट प्रभावित क्षेत्रहरूसहित दुर्गम र चुनौतीपूर्ण भूभाग पार गरेर मतदाताहरूसम्म पुग्ने र गणना फारामहरू वितरण गर्ने काम गरेका छन्। उनीहरूको प्रयासले दुर्गम र पुग्न गाह्रो स्थानहरूमा बस्ने मतदाताहरू प्रक्रियाबाट बाहिर नपरून् भन्ने कुरा सुनिश्चित गर्न मद्दत गरेको बताइएको छ।
यी निरन्तर प्रयासहरूको परिणामस्वरूप गान्तोक जिल्लाले गणना फारामहरूको वितरणमा 80 हजारको आंकडा पार गरेको छ। आजसम्म कुल 86 हजार 681 मतदाताहरूलाई समेटिएको छ, जुन जिल्लाको कुल 1 लाख 22 हजार 240 मतदाताहरूको 68.46 प्रतिशत हो। बीएलओहरूद्वारा घर-घर भ्रमण मार्फत गणना फारामहरूको वितरण र सङ्कलन 28 जून, 2026 सम्म जारी रहनेछ।