तेस्रो गान्तोक जिल्ला एथलेटिक्स प्रतियोगिता २०२६ सफलतापूर्वक सम्पन्न

गान्तोक, 10 मई । तेस्रो गान्तोक जिल्ला एथलेटिक्स प्रतियोगिता २०२६ गान्तोकको रेशिथाङमा सफलतापूर्वक सम्पन्न भयो। समापन समारोहमा गान्तोक जिल्ला एथलेटिक्स संघका संरक्षक एवं स्वास्थ्य तथा परिवार कल्याण विभागका अध्यक्ष फुर्वा रिन्जिङ शेर्पा मुख्य अतिथिको रूपमा उपस्थित थिए।
दुई दिवसीय एथलेटिक्स प्रतियोगिता गान्तोक जिल्ला एथलेटिक्स संघले जिल्ला प्रशासनिक केन्द्र, गान्तोकको सहकार्यमा तथा नाशा मुक्त सिक्किमको ब्यानरमा आयोजना गरेको थियो। प्रतियोगितामा जिल्लाका विभिन्न विद्यालय र संस्थाहरूको प्रतिनिधित्व गर्दै खेलाडीहरूको उत्साहजनक सहभागिता देखियो। सहभागीहरूमा असाधारण प्रतिभा, अनुशासन र खेलकुद प्रदर्शन गरे।
पुरस्कार वितरण समारोहका क्रममा विभिन्न श्रेणीका विजेताहरूलाई उनीहरूको प्रदर्शनको सम्मानमा पदक र प्रमाणपत्र प्रदान गरियो। साथै, उल्लेखनीय उपलब्धि हासिल गर्ने प्रत्येक श्रेणीका उत्कृष्ट खेलाडीहरूलाई उत्कृष्ट खेलाडी ट्रफी प्रदान गरियो। यसैगरी, प्रतिष्ठित स्वर्गीय सोनाम तेन्जिङ मेमोरियल ओभरअल च्याम्पियनशिप ट्रफी टासी नामग्याल एकेडेमीलाई प्रदान गरियो।
मुख्य अतिथिले खेलाडीहरू, आयोजकहरू र अधिकारीहरूलाई प्रतियोगिताको सफल सञ्चालनको लागि बधाई दिए र युवा खेलाडीहरूलाई खेलकुदको माध्यमबाट लागूपदार्थमुक्त समाजको सन्देशलाई प्रवर्द्धन गर्दै समर्पण र अनुशासनका साथ एथलेटिक्समा लाग्न प्रोत्साहित गरे।