राष्ट्रिय राजमार्ग 10 आगामी 6 अगस्तसम्म पूर्ण रूपमा बन्द रहने

गान्तोक, 03 अगस्त। राष्ट्रिय राजमार्ग तथा पूर्वाधार विकास निगम लिमिटेड (एनएचआईडीसीएल) ले राष्ट्रिय राजमार्ग 10 अन्तर्गत कोरोनेशन ब्रिजदेखि चित्रेसम्म पूर्ण रूपमा बन्द रहने जानकारी गराएको छ। एनएचआईडीसीएलले आज जारी गरेको एक आधिकारिक अधिसूचना अनुसार, आज 3 अगस्त सॉंझदेखि आगामी 6 अगस्त, 2025 सम्म राष्ट्रिय राजमार्ग 10 को उक्त खण्डमा वाहनहरूको आवागमन पूर्ण रूपमा बन्द रहनेछ।
एनएचआईडीसीएलको आधिकारिक आदेश अनुसार, राजमार्गको उक्त खण्डमा निर्धारित समयसम्म सबै प्रकारका वाहनहरूको चलाचल प्रतिबन्धित रहनेछ। यस क्षेत्रमा दुर्घटना रोक्न र सडक सुरक्षा अभिवृद्धि गर्ने उद्देश्यले आवश्यक सुरक्षा स्तरोन्नति र मर्मतसम्भार गतिविधिहरूलाई सहज बनाउन यो बन्द कार्यान्वयन गरिएको हो। एनएचआईडीसीएलले यात्रीहरूलाई वैकल्पिक मार्ग अपनाउन र मानिसहरूलाई आधिकारिक माध्यमहरूद्वारा सूचित रहन पनि आग्रह गरेको छ।
अधिकारीहरूले यस अवधि मोटर चालकहरूलाई सावधानी अपनाउन र सुरक्षा सम्बन्धी सल्लाहहरू पालना गर्न सुझाउ दिएका छन्। एनएचआईडीसीएलले सुरक्षित यात्रा अवस्था सुनिश्चित गर्न र यस महत्वपूर्ण राजमार्ग करिडोरमा भविष्यमा हुन सक्ने अवरोधहरूलाई कम गर्न यी उपायहरू महत्त्वपूर्ण रहेको बताएको छ।