हिमपैह्रोमा जवान शहीद, मुख्यमन्त्रीले गरे समवेदना प्रकट

गान्तोक, 04 अप्रेल । भारतीय सेनाको कुमाउँ रेजिमेन्टका जवान नाइक विकास कुमार उत्तर सिक्किममा शहीद भएका छन्। जानकारी अनुसार, लाचुङमा आफ्नो कर्तव्य पालनको क्रममा हिमपैह्रोको चपेटमा परेर उनी शहीद भएका हुन्।
मुख्यमन्त्री प्रेमसिंह तामाङले आज सामाजिक सञ्जाल पोस्टमा हालै लाचुङमा कर्तव्य निर्वहनको क्रममा हिमपैह्रोमा परी कुमाउँ रेजिमेन्टका नाइक विकास कुमार शहीद भएको उल्लेख गर्दै गहिरो समवेदना व्यक्त गरेका छन्।
उनले पिथौरागढका एक बहादुर छोराको बलिदानलाई सधैं गर्व र कृतज्ञताका साथ स्मरण गरिने बताएका छन्। मुख्यमन्त्रीले यस शोकको घडीमा शोक सन्तप्त परिवारप्रति समवेदना व्यक्त गर्दै राष्ट्र उनीहरूको साथमा उभिएको जनाएका छन्।