सिक्किममा पर्यावरण पर्व ‘धरती माताको लागि एक दिन’ पालन गरियो

गान्तोक, 07 जुलाई। राज्य वन तथा पर्यावरण विभागले आज सिक्किममा पर्यावरण पर्व ‘धरती माताको लागि एक दिन’ पालन गरियो। यस क्रममा बिहान 11 बजीदेखि 11:07 बजीसम्म राज्यव्यापी रूपमा वाहनहरूको चलाचल पूर्ण रूपमा बन्द रह्यो।
विभागले दुई हप्ताव्यापी एक जुलाईदेखि 14 जुलाई, 2025 सम्म कार्यक्रम आयोजना गरिरहेको छ, जसको उद्देश्य जलवायु परिवर्तनमाथि जागरूकता फैलाउनु र कार्बन उत्सर्जन घटाउने आवश्यकता​माथि प्रकाश पार्नु रहेको सरकारी विज्ञप्तिमा बताइएको छ। यस कार्यक्रमले जनसाधारणलाई पर्यामैत्री अभ्यासहरू पालन गर्न प्रोत्साहित गर्दछ।
विभागका सचिव एवं प्रधान मुख्य संरक्षक डा. प्रदीप कुमारले भने, पर्यावरणीय शासनमा सिक्किमले नेतृत्व लिएको छ। मुख्यमन्त्री प्रेमसिंह तामाङले पर्यावरणीय कार्यलाई सुदृढ बनाउन मेरो रुख मेरो सन्तति, मेरो बाटो मेरो बोट, पर्यावरण पर्व र एक पेड मा के नाम शुरू गरेका छन्।
डा. प्रदीप कुमारले यो समारोह जलवायु परिवर्तन, विशेष गरी विश्वव्यापी तापक्रम वृद्धिमा सवारी साधन उत्सर्जनको भूमिका सम्बन्धी जनचेतना जगाउने कुरामा केन्द्रित रहेको जानकारी गराए। उनले यो कार्यक्रमले मानिसहरूलाई प्रकृतिप्रति सम्मान देखाउने र दिगो अभ्यासहरूलाई प्रवर्द्धन गर्ने अवसर प्रदान गर्दछ भनी बताए। उनले पर्यावरण संरक्षण र जनहितमा सुधार गर्न सामूहिक जिम्मेवारी आवश्यक रहेको बताए।
मुख्यमन्त्रीले पर्यावरण पर्व 2019 मा शुरू गरेका थिए। यसपछि, सिक्किममा हरेक साल 1 जुलाईदेखि 14 जुलाईसम्म सो पर्व पालन गरिॅंदै आएको छ। यस पर्व पालनको क्रममा ग्रीनाथन, ग्रीन वाक, र्‍याली, ग्रीन रील्स, क्विज प्रतियोगिता, निबन्ध लेखन, चित्रकला, कार्यशाला, जागरूकता कार्यक्रम, सामूहिक वृक्षारोपण अभियान, सडक छेउ वृक्षारोपण र सफाई अभियान जस्ता गतिविधिहरू सम्पन्न गरिन्छन्।