मुख्यमन्त्री पश्चिम बंगालमा नवगठित भाजपा सरकारको शपथ ग्रहण समारोहमा सहभागी बने

गान्तोक, 09 मई । मुख्यमन्त्री प्रेमसिंह तामाङ आज पश्चिम बंगालमा नवगठित भारतीय जनता पार्टी (भाजपा) सरकारको शपथ ग्रहण समारोहमा भाग लिए। उनले पश्चिम बंगालमा भाजपा नेतृत्वधीन सरकारको हिस्साको रूपमा शपथ लिएका सुभेन्दु अधिकारी लगायत नवगठित मन्त्रिपरिषद्का सबै सदस्यहरूलाई हार्दिक बधाई एवं शुभकामना दिए। समारोह प्रधानमन्त्री नरेन्द्र मोदीको उपस्थितिमा गरिएको थियो।
मुख्यमन्त्री तामाङले यस अवसरलाई ऐतिहासिक क्षणको रूपमा वर्णन गर्दै नयाँ सरकारको गठनले पश्चिम बंगालका जनताको विकास, सुशासन र प्रगतिमा केन्द्रित नयाँ अध्यायको शुरुवात भएको बताए। उनले नयाँ प्रशासनले राज्यभरका नागरिकहरूको कल्याण र आकांक्षाप्रति समर्पणका साथ काम गर्ने विश्वास पनि व्यक्त गरे।
मुख्यमन्त्रीले नयाँ नेतृत्वले बंगालभरि शान्ति, विकास, सशक्तिकरण र परिवर्तनकारी अवसरहरू ल्याउने आशा पनि व्यक्त गरे। उनले सम्पूर्ण मन्त्रिपरिषद्लाई इमानदारी, प्रतिबद्धता र दूरदर्शिताका साथ जनताको सेवा गर्न सफलताको कामना गरेका छन्।