राज्यपाल र मुख्यमन्त्री जोरथाङ माघे संक्रान्ति मेलामा सन्ध्या आरतीमा सहभागी बने

गान्तोक, 14 जनवरी । सिक्किमका राज्यपाल ओम प्रकाश माथुरले आज जोरथाङ माघे संक्रान्ति मेलामा सन्ध्या आरतीमा भाग लिॅंदै जनकल्याणको लागि प्रार्थना गरे। राज्यपाल आज 71औं जोरथाङ माघे संक्रान्ति मेला 2026 को उद्घाटनका साथै पवित्र रामभाङ र रङ्गीत नदीको संगम स्थलमा आयोजित सन्ध्या आरतीमा सहभागी बने। यस अवसरमा मुख्यमन्त्री प्रेमसिंह तामाङ, मन्त्रीमण्डलका सदस्यहरू, विधायकगण तथा अन्य गणमान्य व्यक्तिहरू पनि उपस्थित थिए।
नदी तटमा आयोजित यस आध्यात्मिक कार्यक्रममा राज्यपालले मुख्यमन्त्रीसहित दीप प्रज्वलित गरेर आरती गरे अनि राज्यमा शान्ति, समृद्धि एवं निरन्तर प्रगतिको लागि मंगल कामना गरे। यस अवधि सारा वातावरण मन्त्रोच्चारण र शंखध्वनिले भक्तिमय बनेको थियो।
राज्यपालले भने, नदीको संगममा आयोजित यो आरती केवल एक अनुष्ठान मात्र होइन, तर यो भारतको समृद्ध सभ्यता र नदीहरूप्रति हाम्रो अटूट आस्थाको प्रतीक पनि हो। उनले संगममा आयोजित यस आरतीको आध्यात्मिक महत्वमा जोड दिॅंदै यसलाई प्रकृति र संस्कृतिको संरक्षणको एक उत्कृष्ट माध्यम बताए।
लोकभवन अनुसार, सन्ध्या आरती पूजा स्थलको प्रबन्ध पर्यटन एवं नागरिक उड्डयन विभागले गरेको थियो। पूजा अनुष्ठान चारधाम नाम्चीका पुजारीद्वारा सम्पन्न गरियो। माघे संक्रान्ति मेला आयोजन समितिले यो उत्सव आगामी 22 जनवरीसम्म जारी रहने र हरेक दिन सन्ध्या आरती एवं विभिन्न सांस्कृतिक कार्यक्रम आयोजित गरिने बताएको छ।