दुई अमेरिकी फिल्म महोत्सवहरूमा ‘शेप अफ् मोमो’ ले जित्यो तीन पुरस्कार

गान्तोक, 29 अप्रेल। सिक्किमकी फिल्म निर्माता त्रिबेणी राईको ‘शेप अफ् मोमो’ ले 27 अप्रेल, 2026 मा एक अविश्वसनीय उपलब्धि हासिल गर्‍यो। फिल्मले एकै दिन दुई अमेरिकी फिल्म महोत्सवहरूमा तीनवटा पुरस्कार जितेको छ।
यो फिल्म इन्डी मिम फिल्म फेस्टिभलको ११ वर्षको इतिहासमा अस्टिन, टेक्सासमा सर्वश्रेष्ठ जूरी पुरस्कार र सर्वश्रेष्ठ कथा फिल्मको लागि दर्शक छनोट पुरस्कार दुवै जित्ने पहिलो बनेको छ। सोही दिन, लस एन्जलसको २४औं भारतीय फिल्म महोत्सवमा यस फिल्मले ग्रान्ड जूरी पुरस्कार जित्न सफल बन्यो।
इन्डी मिम निर्णायक मण्डलले फिल्मलाई यसको “मौलिकता, कलात्मक साहस, र व्यक्तिगत प्रतिबिम्बलाई विश्वव्यापी रूपमा प्रभावकारी अनुभवमा रूपान्तरण गर्ने क्षमता” को लागि मान्यता दिएको बताइएको छ। यसरी नै आईएफएफएलएमा निर्णायक मण्डलले परम्परामा डुबेको ठाउँमा वर्ग र लिङ्गका जटिलताहरू मार्फत नायकको यात्रालाई नाजुकताका साथ देखएकोमा सम्मानित गर्‍यो।
शेप अफ मोमो यस वर्षको सबैभन्दा चर्चित दक्षिण एसियाली स्वतन्त्र चलचित्रहरू मध्ये एक हो। निर्देशक त्रिबेणी राईले भनिन्, ‘पहाडबाट आएको फिल्मले विश्वभर प्रतिध्वनि पाएको छ। हामी यो सम्मानबाट विनम्र महसुस गरिरहेका छौं र यसलाई घर ल्याउन पहिलेभन्दा बढी उत्सुक छौं। हामी चाँडै थिएटरहरूमा आउँदैछौं र अगाडि पनि धेरै राम्रा कुराहरू छन्।’