नवनिर्मित साङ्कलाङ बेली ब्रिज भत्किएकोमा सीएपीद्वारा गम्भीर चिन्ता व्यक्त

गान्तोक, 12 फरवरी। सिटिजन एक्सन पार्टी (सीएपी) सिक्किमले मंगन जिल्ला अन्तर्गत जङ्गूमा नवनिर्मित साङ्कलाङ बेली ब्रिज भत्किएकोमा गम्भीर चिन्ता व्यक्त गरेको छ। दीर्घकालीन स्थायित्व र सुरक्षा सुनिश्चित गर्नुको सट्टा निर्माणमा भएको हतारले गर्दा ठूलो पूर्वाधार विफलता भएको बताउॅंदै यस अप्पर जङ्गू र सम्पूर्ण उत्तर सिक्किम क्षेत्रका बासिन्दाहरूलाई गम्भीर असर पार्ने सीएपीले विज्ञप्तिमा बताएको छ।
सीएपीले भनेको छ, पुल भत्किँदा स्थानीय यात्रु र अत्यावश्यक आपूर्तिहरूमा मात्र असर पर्दैन, तर यसले उत्तर सिक्किमको पर्यटन उद्योगमा पनि बाधा पुर्याकउनेछ। लाचुङ र लाचेन जाने सडकहरू पहिले नै क्षतिग्रस्त भएकाले सङ्कालङ पुलले साफो-शिपग्यार हुँदै चुङथाङ जाने महत्त्वपूर्ण वैकल्पिक मार्गको रूपमा काम गरिरहेको थियो। यो दुर्भाग्यपूर्ण घटनाले यस क्षेत्रलाई अझ अलग्गै पार्नेछ, जसले गर्दा बासिन्दाहरूलाई कठिनाइ हुनेछ र उत्तर सिक्किमको पर्यटनमा निर्भर अर्थतन्त्रमा ठूलो क्षति हुनेछ।
सीएपीले यस विपत्तिको लागि जिम्मेवार अधिकारीहरूबाट तत्काल जवाफदेहीताको माग गरेको छ। सीएपीले पुल निर्माण कार्यमा लापरवाही र सही योजनाको कमी भएको, सार्वजनिक कोष दुरुपयोग भएको आरोप लगाएको छ। सीएपीले सम्बन्धितहरू विरुद्ध तत्काल कडा कारबाहीको माग गरको छ।