फ्रान्सका राजदूतले सांस्कृतिक र ऐतिहासिक महत्वका स्थलहरूको भ्रमण गरे

मङ्गन, 11 अप्रेल । फ्रान्सका राजदूत थिएरी माथौले आज मङ्गन जिल्ला अन्तर्गत काबी महकुमामा रहेका सांस्कृतिक र ऐतिहासिक महत्वका स्थलहरूको भ्रमण गरे। प्रतिनिधिमण्डलमा माथौकी पत्नी सेसिल माथौ, कोलकाताबाट वाणिज्य दूतावास टोलीका सदस्यहरू, राजनीतिक तथा सहयोग अधिकारी याजिद सुसी र अन्य प्रतिनिधिहरू सामेल थिए।
काबीकी महकुमा अधिकारी मोनिका राईले राजदुतलाई फुडोङको लाब्राङ गुम्पामा स्वागत गरिन्। त्यसपछि प्रतिनिधिहरूले तुमलोङमा रहेको शाही दरबारको ऐतिहासिक भग्नावशेषहरूको भ्रमण गरे। यसैगरी, प्रतिनिधिहरूले फुडोङ गुम्पा, फेन्साङ गुम्पा र काबी लुङचोकमा ऐतिहासिक सन्धि स्थलको पनि भ्रमण गरे।
भ्रमणका क्रममा प्रतिनिधिहरूले अन्तरक्रिया गरे र आपसी सहयोगका क्षेत्रहरूमाथि छलफल गरे। उनीहरूले विभिन्न गुम्पाहरूको भ्रमण गरे तथा राज्यको समृद्ध सांस्कृतिक र आध्यात्मिक सम्पदाको अन्वेषण गरे।
यो भ्रमण विशेष गरी सांस्कृतिक आदान-प्रदान र साझेदारीका क्षेत्रहरूमा भारत र फ्रान्सबीच सम्बन्धलाई सुदृढ़ पार्ने र सहयोग प्रवर्द्धन गर्ने दिशामा एक कदम अगाडि बढाउने कार्य भएको बताइएको छ।