मुख्यमन्त्रीले अन्तरराष्ट्रिय महिला दिवसको शुभकामना दिए

गान्तोक, 08 मार्च। मुख्यमन्त्री प्रेमसिंह तामाङले अन्तरराष्ट्रिय महिला दिवसको शुभ अवसरमा सम्पूर्ण महिलाहरूमा हार्दिक शुभकामना व्यक्त गरेका छन्।
मुख्यमन्त्रीले आफ्नो सन्देशमा जब हामी महिलाहरूलाई सशक्त बनाउँछौं, उनीहरूको अधिकार सुनिश्चित गर्छौं र सबैका लागि समान अवसरहरू सिर्जना गर्छौं तब वास्तविक प्रगति हुन्छ भन्ने स्मरण गराउॅंछ भनी बताएका छन्। उनले महिलाहरू हाम्रा परिवार, समुदाय र समाजका मेरुदण्ड रहेको बताएका छन्।
उनले शासन, शिक्षा, स्वास्थ्य सेवा, व्यवसाय वा सामाजिक सेवा, हरेक क्षेत्रमा उनीहरूको योगदान अमूल्य छ आफ्नो सन्देशमा उल्लेख गरेका छन्। मुख्यमन्त्रीले महिलाहरूलाई कुनै पनि अवरोध बिना फस्टाउन सक्ने वातावरणको प्रवर्द्धन गर्नु सामूहिक जिम्मेवारी रहेको बताएका छन्।
उनले रूढीवादी धारणाहरूलाई तोड्ने, समावेशीतालाई प्रवर्द्धन गर्ने र एकअर्कालाई उत्थान गर्ने प्रतिबद्धताको निम्ति आह्वान गरेका छन्। उनले प्रत्येक महिला र केटीलाई सपना देख्ने, आकांक्षा राख्ने र हासिल गर्ने स्वतन्त्रता सुनिश्चित गर्न सबै मिलेर काम गर्नुपर्ने विचार व्यक्त गरेका छन्।