राजस्थान युनाइटेड एफसी र सर्विसेस एफटीबीच राज्यपाल स्वर्ण कप 2025 को उपाधिको लागि प्रतिस्पर्धा हुने

गान्तोक, 27 नोभेम्बर । राजस्थान युनाइटेड एफसी र सर्विसेस एफटीबीच 41औं अखिल भारतीय राज्यपाल स्वर्ण कप अन्तरराष्ट्रिय फुटबल टुर्नामेन्ट 2025 को उपाधिको लागि प्रतिस्पर्धा हुने भएको छ। आगामी 29 नोभेम्बरका दिन दुई फुटबल क्लबबीच उपाधिको लागि अन्तिम पटक भिडन्त हुनेछ।
सर्विसेस एफटीले आज यहॉंको पाल्जोर स्टेडियममा खेलिएको दोस्रो सेमिफाइनल खेलमा प्रतिद्वन्दी दल डाइमण्ड हार्बर एफसीलाई 2-1 गोलले पराजित गरेर फाइनलमा आफ्नो स्थान सुरक्षित गरेको छ। यसैगरी, हिजो खेलिएको पहिलो सेमिफाइनल खेलमा राजस्थान युनाइटेड एफसीले ​सिक्किम ड्रेगन्स एफसीलाई पराजित गरेर फाइनलमा प्रवेश गरिसकेको छ।
आज खेलिएको दोस्रो सेमिफाइनल खेलमा सर्विसेस एफसीको तर्फबाट जर्सी नम्बर 16 सुभम राणाले 46औं मिनटमा पहिलो गोल गरे। यसपछि, 51औं मिनटमा जर्सी नम्बर 39 एसके प्रेम कुमारले दोस्रो गोल गरेर आफ्नो दलको जित सुनिश्चित गरे। अर्कातिर, डाइमण्ड हार्बर एफसीले गोल गर्न सकेन। विजयी दलका खेलाड़ी जर्सी नम्बर 18 नवजोत सिंहलाई म्यान अफ् द म्याच चयन गरियो।