सञ्चार तथा सूचना प्रौद्योगिकी सम्बन्धी संसदीय स्थायी समिति सिक्किम भ्रमणमा, मुख्यमन्त्रीसॅंग गऱ्यो भेट

गान्तोक, 10 जुलाई। सञ्चार तथा सूचना प्रौद्योगिकी सम्बन्धी संसदीय स्थायी समिति हाल गुवाहाटी, सिलगढी र सिक्किमको अध्ययन भ्रमणमा रहेको छ। यस क्रममा समिति सिक्किम भ्रमणमा आइपुगेको छ। लोकसभा सांसद एवं समितिका अध्यक्ष डा. निशिकान्त दुबेले आज मुख्यमन्त्री प्रेमसिंह तामाङलाई राजधानीस्थित उनको सरकारी आवासमा भेट गरे।
मुख्यमन्त्री तामाङले समितिका अध्यक्ष डा. निशिकान्त दुबेसॅंग आज आफ्नो सरकारी आवासमा भेट भएको सामाजिक सञ्जालमा जानकारी गराएका छन्। यस अवधि सांसद दुबेले मुख्यमन्त्रीलाई समिति गुवाहाटी, सिलगढी र सिक्किमको अध्ययन भ्रमणमा रहेको जानकारी गराउॅंदै भ्रमणको उद्देश्य क्षेत्रीय सरोकारवालाहरूसॅंग भेट गरेर प्रमुख डिजिटल पहलहरूको आधारभूत स्तरको कार्यान्वयनको मूल्याङ्कन गर्नु रहेको बताए।
मुख्यमन्त्रीले समितिका सबै प्रतिष्ठित सदस्यहरूलाई फलदायी र प्रभावकारी भ्रमणको लागि शुभकामना व्यक्त गरेका छन्।