सरकारी विद्यालय प्रमुखहरूका लागि इन्डक्सन कार्यक्रम सम्पन्न

गान्तोक, 31 जनवरी। सिक्किम सरकारको शिक्षा विभागअन्तर्गत सरकारी माध्यमिक तथा उच्चतर माध्यमिक विद्यालयका प्रमुखहरूका लागि २७ देखि ३१ जनवरी, २०२६ सम्म सञ्चालन गरिएको इन्डक्सन प्रशिक्षण कार्यक्रमको समापन सत्र आज गान्तोकस्थित लोअर बर्तुक, हेलिप्याड नजिक एससीईआरटी सिक्किममा स्कूल लिडरसिप एकेडेमीद्वारा आयोजना गरियो। कार्यक्रममा शिक्षा, कानुन, खेलकुद तथा युवा मामिला विभाग मन्त्री राजु बस्नेत प्रमुख अतिथिका रूपमा उपस्थित थिए।
आफ्नो सम्बोधनमा मन्त्री बस्नेतले शिक्षण–अधिगम प्रक्रियामा जोड दिए। उनले शिक्षा एक लेनदेन आधारित, जुन नियमित कार्यमा केन्द्रित हुन्छ, र अर्को रूपान्तरणमुखी, जहाँ शिक्षकहरूले जिज्ञासा, ऊर्जा र गहिरो सिकाइलाई प्रेरित गर्छन्। शिक्षणले विद्यार्थीहरूको सोच र दृष्टिकोणलाई सक्रिय रूपमा आकार दिन सक्दा नै साँचो रूपान्तरण सम्भव हुने उनले बताए।
उनले समाजमा परिवर्तन ल्याउने कामले बालबालिकाको जीवनमा सकारात्मक प्रभाव पार्छ, जसले अन्ततः भावी पुस्ताको भविष्य निर्माण गर्छ भनी बताए। उनले प्रत्येक जिम्मेवारीलाई आत्मविकास, समाजसेवा र आगामी पुस्तालाई मार्गदर्शन गर्ने अवसरका रूपमा लिनुपर्नेमा बताए।
मन्त्री बस्नेतले विद्यालयहरूको सम्पूर्ण जिम्मेवारी विद्यालय प्रमुखहरूलाई सुम्पिनुपर्ने बताउँदै नतिजाका लागि उनीहरू पूर्ण रूपमा उत्तरदायी हुनुपर्ने उल्लेख गरे। उनले आगामी वर्षदेखि शतप्रतिशत नतिजा हासिल गर्ने विद्यालयका प्रमुखहरूलाई स्वतन्त्र रूपमा व्यवस्थापन गर्ने अधिकार दिइने र कमजोर नतिजा भएका विद्यालयहरूलाई विभागले निरन्तर सहयोग र अनुगमन गर्ने जानकारी दिए।
उनले यसको उद्देश्य आवश्यक स्थानमा केन्द्रित प्रयास गर्नु, विद्यालयहरूलाई उत्कृष्टताका दिशामा मार्गदर्शन गर्नु र सफल विद्यालयहरूलाई क्रमशः स्वतन्त्र रूपमा सञ्चालन गर्न सक्षम बनाउनु रहेको बताए। यो प्रक्रिया सिकाइ, विकास र निरन्तर अगाडि बढ्ने यात्राको हिस्सा रहेको को पनि उनले स्पष्ट पारे।