सांसद सुब्बाले उत्तर सिक्किमको सडक सम्पर्कबारे बीआरओका प्रमुख अभियन्तासँग गरे छलफल

गान्तोक, २२ अगस्त। सिक्किमका लोकसभा सांसद डा. इन्द्रहाङ सुब्बाले आज उत्तर सिक्किमको सडक सम्पर्क तथा पूर्वाधारसम्बन्धी विषयमा सीमा सडक संगठन (बीआरओ) का प्रमुख इन्जिनियरसँग भेटवार्ता गरेका छन्। उक्त जानकारी सांसदको कार्यालयले प्रेस विज्ञप्तिमा दिएको छ।गान्तोकस्थित बीआरओ मुख्यालयमा भएको भेटवार्ताका क्रममा सांसद सुब्बाले उत्तर सिक्किममा सडक सम्पर्कका क्रममा देखिएका चुनौतीहरू तथा सुरक्षित, भरपर्दो र सबै मौसममा सञ्चालनयोग्य सडक सम्पर्क सुनिश्चित गर्न सडक पूर्वाधारलाई थप सुदृढ़ र सुधार गर्नुपर्ने आवश्यकताबारे छलफल गरे।छलफलमा उत्तर सिक्किमको रणनीतिक महत्त्वका साथै स्थानीय जनताको आवश्यकतालाई ध्यानमा राख्दै सडक पूर्वाधार निर्माण, समयमै कार्यान्वयन तथा नियमित मर्मतसम्भारलाई प्राथमिकता दिनुपर्ने विषयमा पनि जोड दिएको बताइएको छ।सांसद सुब्बाले उत्तर सिक्किमका जनताको सडक सम्पर्कसम्बन्धी समस्या समाधान गर्न तथा आवश्यक पूर्वाधार विकासलाई गति दिन बीआरओ र सम्बन्धित निकायसँग नजिकबाट सहकार्य गर्ने आफ्नो प्रतिबद्धता दोहोर्याए।