स्वास्थ्य मन्त्री ढुङ्गेलले कौशल विकासलाई सर्वोच्च प्राथमिकता दिनुपर्नेमा कुरामा दिए जोड

गान्तोक, 23 जनवरी । राष्ट्रिय प्रशिक्षुता संवर्धन योजना (एनएपीएस) अन्तर्गत विशेष ध्वजवाहक पहलमाथि एक सचेतना कार्यशाला आयोजन गरिएको छ। नियुक्ति केन्द्र, क्षमता विकास विभागले राजधानीको देवरालीस्थित राज्य पञ्चायत संसाधन केन्द्रको हलमा आयोजना गरेको यस कार्यक्रमको उद्देश्य युवा र रोजगारदाताहरूलाई प्रशिक्षुता अवसरहरूसँग परिचित गराउनु र राज्यमा उद्योग कौशल सम्बन्धलाई सुदृढ़ पार्नु रहेको थियो।
कार्यक्रममा स्वास्थ्य विभाग मन्त्री जीटी ढुङ्गेल मुख्य अतिथि तथा विधायक सोनाम टी. भेन्चुङ्गपा विशिष्ट अतिथिका रूपमा उपस्थित थिए।
मुख्य अतिथि मन्त्री ढुङ्गेलले आफ्नो सम्बोधनमा कौशल विकासलाई सर्वोच्च प्राथमिकता दिनुपर्नेमा जोड दिए। उनले कौशल सबै प्रकारका कामका लागि आधारभूत हुन्छ र यसलाई जोश, समर्पण र अनुशासनले पूरक बनाउनुपर्छ भनी बताए। द्रुत गतिमा परिवर्तनशील संसारमा निरन्तर कौशल वृद्धिको आवश्यकतालाई जोड दिँदै उनले भने, ‘दक्ष र अनुकूलनीय व्यक्तिहरूले नै धेरै अवसरहरूले पाउॅंछन्।’ सरकारले युवाहरूलाई सहयोग गर्न तथा रोजगारी र आत्मनिर्भरतातर्फको यात्रामा समर्थन गर्न धेरै योजनाहरू लागू गरेको पनि उनले जानकारी गराए।
मुख्यमन्त्रीको अगुवाईमा राज्य सरकारका सक्रिय पहलहरूको सराहना गर्दै उनले युवाहरूलाई विभिन्न विभागहरू मा​र्फत उपलब्ध गराइएका अवसरहरूको भरपूर फाइदा उठाउन आह्वान गरे। मन्त्री ढुङ्गेलले प्रतिबद्धता र उद्देश्यका साथ कौशल विकासलाई अगाडि बढाउनुको महत्त्वमा जोड दिॅंदै दिगो जीविकोपार्जन व्यक्तिहरूले प्राप्त गर्ने कौशलहरूमा आधारित हुन्छ भनी बताए।
विशिष्ट अतिथि विधायक भेन्चुङ्गपाले कलेजबाट कार्यस्थलमा संक्रमण प्रायः शैक्षिक सिकाई र व्यावहारिक कौशलहरूबीच ठूलो खाडल हुने गर्दछ, जुन सबै क्षेत्रहरूमा व्याप्त चुनौती रहेको बताए। उनले प्रतिस्पर्धात्मक वातावरणमा रोजगारी बढाउन र नयाँ अवसरहरूमा पहुँच गर्न सान्दर्भिक कौशलहरू प्राप्त गर्नु आवश्यक रहेको कुरामा जोड दिए