गान्तोक, 25 अगस्त। 34औं सिक्किम राज्य ब्याडमिन्टन च्याम्पियनशिप 2025 आज पाल्जोर स्टेडियम कम्प्लेक्सको इन्डोर ब्याडमिन्टन हलमा भव्यरूपमा सम्पन्न भयो। ब्याडमिन्टन एसोसिएशन अफ् सिक्किम (बीएएस) ले ब्याडमिन्टन एसोसिएशन अफ् इण्डियाको तत्वावधानमा आयोजना गरेको यस पॉंच दिवसीय प्रतियोगितामा राज्यका उत्कृष्ट खेलाडीहरूले आफ्नो प्रतिभा प्रदर्शन गरे।
प्रतियोगिता समापन समारोहमा आज विधायक आदित्य गोले मुख्य अतिथि थिए। यस अवसरमा मुख्यमन्त्रीका राजनीतिक सचिव एवं बास अध्यक्ष जेकब खालिङ, खेलकुद एवं युवा मामिला विभागकी सचिव याङछेन डी. तामाङ, गान्तोकका एसडीएम महेन्द्र छेत्री आदि उपस्थित थिए।
मुख्य अतिथि विधायक गोलेले सबै प्रतिभागीहरूलाई शुभकामना दिॅंदै फाइनलमा पुग्ने सबै प्रतियोगीहरू विजेता हुन् भनी बताए। 2019 देखि राज्यको खेलकुछ क्षेत्रमा भइरहेको प्रगतिमाथि प्रकाश पार्दै उनले राज्यका खेलाडीहरूले आज राष्ट्रिय र अन्तरराष्ट्रिय मञ्चहरूमा राम्रो प्रदर्शन गरिरहेको बताए।
उनले मुख्यमन्त्री खेलकुदको उत्थान र युवाहरूका लागि नयॉं अवसरहरू सिर्जना गर्न तत्पर रहेको जनाउॅंदै युवा प्रतिभाहरूको पालन पोषण गर्न सरकार प्रतिबद्ध रहेको विश्वास दिलाए। उनले बास अध्यक्ष जेकब खालिङको अगुवाईमा संघले गरिरहेका कार्यहरूको सराहना गरे। उनले राज्यका खेलाडीहरूको उज्जवल भविष्यको लागि कमना पनि गरे।
यस प्रतियोगिता अन्तर्गत विभिन्न वर्गमा आयोजित विजेता र उपविजेताहरूलाई मेडल, प्रमाणपत्र र नगद पुरस्कार प्रदान गरियो। मेराज प्रधानद्वारा प्रायोजित प्रमिसिङ प्लेयर अवार्ड्स पनि प्रदान गरियो।
