सहकारिता मन्त्रालयका निर्देशक कपिल मीना दुई दिवसीय सिक्किम भ्रमणमा

गेजिङ, 19 मार्च। भारत सरकारको सहकारिता मन्त्रालयका निर्देशक तथा केन्द्रिय प्रभारी अधिकारी (आकांक्षी ब्लक) कपिल मीना दुई दिवसीय आधिकारिक भ्रमणमा आज गेजिङ जिल्ला आइपुगेका छन्। उनलाई जिल्लापाल लगायत जिल्ला प्रशासनका वरिष्ठ अधिकारीहरूले न्यानो स्वागत गरे। यस क्रममा जिल्ला प्रशासनिक केन्द्रको सम्मेलन हलमा जिल्लाका अधिकारीहरूसँग एक समन्वय बैठक आयोजना गरियो।
जिल्लापाल ​तेन्जिङ डी. डेन्जोङ्गपाले अधिकांश क्षेत्रहरूमा केपीआईहरूको संतृप्तितर्फ हासिल भएको प्रगतिको बारेमा जानकारी गराए र थप सुधार आवश्यक पर्ने क्षेत्रहरूमा हस्तक्षेपको लागि अनुरोध गरे। उनले प्रगतिको सही प्रतिबिम्ब सुनिश्चित गर्न नीति आयोग पोर्टलमा जारी पहलहरूमाथि प्रकाश पारे र प्राविधिक समस्याहरूको प्रारम्भिक समाधानको लागि अनुरोध गरे।
उनले जिल्ला सबै सूचकहरूमा संतृप्ति प्राप्त गर्ने दिशामा रहेको र सामूहिक रूपमा आकांक्षी ब्लक कार्यक्रम अन्तर्गत स्वर्ण पदक सुरक्षित गर्ने लक्ष्य राखेको अवगत गराए। उनले निर्देशक मीनालाई बहुमूल्य सुझाउहरूका लागि आभार प्रकट गर्दै यी सुझाउहरूले प्रमुख क्षेत्रहरूमा कार्यसम्पादनलाई अझ बलियो बनाउने अपेक्षा व्यक्त गरे।
बैठकमा निर्देशक मीनाले विभिन्न विकास कार्यक्रमहरूको स्थितिको समीक्षा गरे र सबै विभागहरूलाई संतृप्ति लक्ष्यहरू प्राप्त गर्न प्रगति प्रतिवेदन र उत्कृष्ट अभ्यासहरू पेश गर्न निर्देशन दिए। उनले ब्याङ्किङ पहुँच र उठाइएका अन्य चिन्ताहरूसॅंग सम्बन्धित मुद्दाहरूलाई सम्बोधित गर्न उपयुक्त ठाउॅंमा उठाउने आश्वासन दिए।
निर्देशकले जिल्ला टोलीलाई शुभकामना व्यक्त गर्दै अधिकारीहरूको समर्पण र समन्वित प्रयासको सराहना गरे। उनले जिल्लामा अपार सम्भावना रहेको उल्लेख गरे भने यस्तो कुशल टोलीले महत्वपूर्ण उपलब्धि हासिल गर्न सक्ने विश्वास व्यक्त गरे। उनले अधिकारीहरूलाई हस्तक्षेप आवश्यक पर्ने मुद्दाहरू अगाडि ल्याउन प्रोत्साहित गरे तथा ब्लक र जिल्लाको कल्याणका लागि आफ्नो स्तरबाट आवश्यक सहयोगको आश्वासन दिए।