वाहन दुर्घटनामा युवकको मृत्यु, एक घाइते

गान्तोक, 29 अप्रेल। सिङताम पुलिस थाना क्षेत्रको अप्पर राङछाङमा भएको वाहन दुर्घटनामा एक व्यक्तिको मृत्यु भएको छ भने अन्य एक घाइते भएका छन्। दुर्घटना मंगलवार दिउॅंसो लगभग चार बजी भएको हो।
पुलिस रिपोर्टबाट प्राप्त जानकारी अनुसार, अप्पर राङछाङमा मंगलवार दिउॅंसो एउटा निजी स्पार्क वाहन दुर्घटनाग्रस्त भयो। वाहन सड़कदेखि पल्टिएर 180 फुट तल पुगेको छ। दुर्घटनाको समयमा वाहन धानबारीबाट कागेथाङतिर गइरहेको थियो।
दुर्घटनामा वाहन चालक साङ्गे भोटिया घाइते भएका ​छन्। स्थानीय मानिसहरूको सहयोगमा उनलाई साम्दोङ पीएचसी लगियो। वाहनका अन्य एक यात्री सोनाम छितेन भोटियाको घटनास्थलमै मृत्यु भएको बताइएको छ। 22 वर्षीय मृतक तुमिन धानबारी निवासी थिए।
दुर्घटनाका कारण स्पष्ट भएको छैन। पुलिसले मामिला दर्ता गरेर जॉंच गरिरहेको छ।