सिक्किममा पहिलोपटक जुनियर राष्ट्रिय ब्याडमिन्टन च्याम्पियनसिप आयोजना हुँदै

गान्तोक, 0७ अक्टोबर। ४९औँ योनेक्स-सनराइज जुनियर राष्ट्रिय ब्याडमिन्टन च्याम्पियनसिप २०२६ आगामी १४ देखि २१ नोभेम्बरसम्म गान्तोकस्थित पाल्जोर स्टेडियमको इन्डोर हलमा आयोजना भइरहेको छ। सिक्किममा पहिलोपटक आयोजना हुन लागेको यस प्रतियोगितालाई सिक्किम सरकारले राज्यस्तरीय कार्यक्रमका रूपमा घोषणा गरेको छ।
ब्याडमिन्टन एसोसिएसन अफ सिक्किमले प्रतियोगितालाई राज्यस्तरीय कार्यक्रमका रूपमा मान्यता दिएकोमा मुख्यमन्त्री प्रेमसिंह तामाङ, खेलकुद तथा युवा मामिला विभाग, ब्याडमिन्टन एसोसिएसन अफ इन्डिया तथा योनेक्स-सनराइज इन्डियाप्रति आभार व्यक्त गरेको छ।
एसोसिएसनले प्रतियोगितालाई व्यापक रूपमा प्रचार-प्रसार सञ्चारमाध्यमलाई आग्रह गरेको छ। सिक्किममा पहिलोपटक जुनियर राष्ट्रिय ब्याडमिन्टन च्याम्पियनसिप आयोजना हुन लागेको र यसलाई राज्यस्तरीय कार्यक्रमका रूपमा मनाइने भएकाले सञ्चारमाध्यमको सक्रिय सहयोगले ब्याडमिन्टनप्रति जनचेतना बढाउन तथा राज्यका युवालाई खेलकुदतर्फ प्रेरित गर्न महत्वपूर्ण भूमिका खेल्ने एसोसिएसनले जनाएको छ।
प्रतियोगितामार्फत सिक्किमको खेलकुद क्षमता राष्ट्रिय स्तरमा प्रस्तुत गर्दै यस ऐतिहासिक आयोजनालाई सफल बनाउन सबै पक्षलाई सहकार्य गर्न अपील गरिएको छ।