धावक अमर सुब्बाले ‘लाइफटाइम एचिभमेन्ट अवार्ड’ को लागि दिए धन्यवाद

गान्तोक, 31 अगस्त। म्याराथन म्यान अफ् सिक्किमको नामले प्रसिद्ध धावक अमर सुब्बालाई लाइफटाइम एचिभमेन्ट अवार्डले सम्मानित गरिएको छ। राजधानीको पाल्जोर स्टेडियममा आयोजित राष्ट्रिय खेल दिवस समारोहमा धावक सुब्बालाई उक्त पुरस्कारले सम्मानित गरिएको हो।
धावक सुब्बाले लाइफटाइम एचिभमेन्ट अवार्डले आफूलाई सम्मानित गरेकोमा खेलकुद शाखाका सबैप्रति कृतज्ञता व्यक्त गरेका छन्। यो सम्मानले सम्पूर्ण धावक समुदाय लगायत युवाहरूलाई स्वस्थ जीवनशैली अपनाउन प्रोत्साहित गर्नेछ भनी उनले बताएका छन्।
यसैगरी, धावक सुब्बाले मुख्यमन्त्री प्रेमसिंह तामाङलाई देशका साना राज्यहरूमा उत्कृष्ट कार्यसम्पादन गर्ने मुख्यमन्त्री चयन बनेकोमा बधाई दिएका छन्।