नारी 2025 को प्रतिवेदनमा गान्तोक महिलाका लागि पाँचौं सुरक्षित शहर

गान्तोक, 01 सेप्टेम्बर। राष्ट्रिय महिला आयोगद्वारा जारी गरिएको राष्ट्रिय वार्षिक प्रतिवेदन एवं महिला सुरक्षा सूचकांक (नारी) 2025 मा गान्तोकलाई भारतमा महिलाहरूका लागि पाँचौं सुरक्षित शहरको रूपमा स्थान दिइएको छ। गान्तोकले लगभग 70.4% को समग्र सुरक्षा अङ्क प्राप्त गरेको छ, जुन राष्ट्रिय मानक 65% भन्दा माथि हो।
नारी 2025 को प्रतिवेदन एक राष्ट्रव्यापी सुरक्षा सूचकांक हो जसले 31 शहरहरूमा 12 हजार 770 महिलाहरूको सर्वेक्षण गरेको थियो, जसमा पूर्वाधार, उत्पीडन घटना र रिपोर्टिङ, कार्यस्थल सुरक्षा, अधिकारीहरूमा विश्वास, र दिन बनाम रातमा सुरक्षा धारणाको आधारमा सुरक्षाको मूल्याङ्कन गरिएको थियो।
यस वर्ष पूर्वोत्तरले राम्रो गरेको छ, जसमा कोहिमा (नागाल्याण्ड) पहिलो स्थानमा, आइजोल (मिजोरम) चौथो स्थानमा र गान्तोक (सिक्किम) पाँचौं स्थानमा छ।
प्रतिवेदनले देशभरि विशेष गरी रातको समयमा सुरक्षा र उत्पीडनको कम रिपोर्टिङ जस्ता चुनौतीहरूलाई पनि जोड दिएको छ।