पीएचई डीआई फिटिङ चोरीकाण्डमा तीन आरोपी पक्राउ

गान्तोक, 30 अगस्त । गेजिङ पुलिसले पेमायाङत्से गुम्पा फाटक छेउस्थित साइटबाट चोरी भएको पीएचई डीआई फिटिङहरूको सम्बन्धमा तीन जनालाई पक्राउ गरेको छ। यसैगरी, चोरीको लागि प्रयोग गरिएको वाहन पनि जफत गरिएको छ।
गेजिङ जिल्ला पुलिस अधीक्षक कार्यालयले आज बताए अनुसार, गेजिङ पुलिस थानामा शुक्रवार पेमायाङत्से गुम्पा फाटक छेउस्थित साइटबाट 85-90 हजार रूपियॉंको पीएचई डीआई फिटिङहरू चोरी भएको सम्बन्धमा मामिला दर्ता भएको थियो। यस चोरीकाण्डको सन्दर्भमा पुलिसले तीन जनालाई पक्राउ गरेको छ। पक्रा परेका आरोपीहरूको नाम दावा साङ्गपो लेप्चा, प्रदीप मंगर र स्क्र्याप डिलर पिन्टु कुमार हुन्।
पुलिसले चोरीकाण्डमा प्रयोग गरिएका दुईवटा वाहन पनि जफत गरेको छ। चोरी गरिएका सामग्रीहरू पत्ता लगाउन पुलिस लागिपरेको छ। यस घटनाको सम्बन्धमा जॉंच जारी रहेको बताइएको छ।