बलीवुडकी प्रख्यात अभिनेत्री भूमि पेडनेकर सिक्किम भ्रमणमा

गान्तोक, 10 जून । बलीवुडकी प्रख्यात अभिनेत्री तथा पर्यावरण संरक्षण अभियन्ता भूमि पेडनेकर सिक्किम भ्रमणमा आएकी छन्। पर्यटन तथा नागरिक उड्डयन विभागको तर्फबाट विभागका अध्यक्ष सोनाम नोर्गे लाचुङपा र विभागका अधिकारीहरूले अभिनेत्रीलाई हार्दिक स्वागत गरे।राज्य पर्यटन तथा नागरिक उड्डयन विभागका अनुसार, अभिनेत्री भूमि पेडनेकर विभागको विशेष निमन्त्रणामा १० जूनदेखि १३ जून, २०२६ सम्म सञ्चालन हुने तीन दिवसीय परिचयात्मक भ्रमणका लागि सिक्किम आएकी हुन्।उनको यो भ्रमणले दिगो पर्यटन, पर्यावरण संरक्षण तथा जिम्मेवार यात्राको प्रवर्द्धनप्रति सिक्किमको प्रतिबद्धतालाई प्रतिबिम्बित गर्दछ। यस अवसरमा राज्यको मनमोहक प्राकृतिक सौन्दर्य, समृद्ध सांस्कृतिक सम्पदा तथा आत्मीय आतिथ्यतालाई प्रस्तुत गर्ने अवसर प्राप्त हुने विभागले अपेक्षा गरेको छ।साथै, पर्यटन तथा नागरिक उड्डयन विभागले उनको सिक्किम बसाई सुखद, स्मरणीय र फलदायी रहोस् भन्ने शुभकामना व्यक्त गरेको छ।