गान्तोक, 25 अगस्त। सिक्किम सरकारको धर्म तथा पीएचई विभाग मन्त्री सोनाम लामाले आज नयॉं दिल्लीमा केन्द्रिय रक्षामन्त्री राजनाथ सिंहसॅंग भेट गरेर मङ्गन जिल्लामा रक्षा प्रतिष्ठानको लागि चलिरहेको न्यूनीकरण कार्यहरूको बारेमा जानकारी गराए।
केन्द्रिय रक्षामन्त्रीले मुख्यमन्त्री प्रेमसिंह तामाङको स्वास्थ्यको बारेमा जानकारी लिॅंदै जनमुखी प्रयासहरू, उपलब्धीहरू र शासनको सराहना गरेको बताइएको छ। उनले सिक्किमलाई सबै क्षेत्रहरूमा विकासको अग्रपंक्तिमा ल्याउने प्रधानमन्त्रीको चिन्ताको बारेमा अवगत गराउए। उनले मन्त्री लामाको कार्यकाल र उपलब्धीहरूको प्रशंसा गर्दै तेस्रो कार्यलकालमा थप उपलब्धीहरूको लागि शुभकामना दिएको बताइएको छ।
मन्त्री लामाले केन्द्रिय रक्षामन्त्रीलाई सेप्टेम्बर महिनामा सिक्किमको भ्रमणमा आउन निमन्त्रणा दिए, जसलाई उनले स्वीकार गरेको जानकारी गराइएको छ।
