गान्तोक, 04 जुलाई। मुख्यमन्त्री प्रेमसिंह तामाङले आज पश्चिम सिक्किममा निर्माणाधीन विभिन्न परियोजनाहरूको स्थलगत निरीक्षण भ्रमण गरेर कार्य प्रगतिको बारेमा जानकारी लिए।
मुख्यमन्त्रीले शुक्रवार बिहान माङसरीमा मंगरजोङ विकास परियोजना क्षेत्रको निरीक्षण भ्रमण गरे। मुख्यमन्त्रीले ठेकेदारहरू र प्रमुख सरोकारवालाहरूसँग अर्थपूर्ण छलफल भएको र अघि आइरहेका चुनौतीहरू र भावी योजनाको बारेमा बहुमूल्य अन्तर्दृष्टि प्राप्त गरेको जानकारी गराएका छन्।
यसरी नै मुख्यमन्त्री जूम-सालघारी निर्वाचन क्षेत्र अन्तर्गत बैगुनेमा प्रस्तावित मयूर पार्क परियोजना स्थल निरीक्षण गरे। अधिकारीहरूले मुख्यमन्त्रीलाई परियोजनाको वर्तमान स्थिति, समयसीमा, योजनाबद्ध सुविधाहरू र विकासको दायराको बारेमा जानकारी गराए। यस परियोजनाले पारिस्थितिक पर्यटनलाई प्रवर्द्धन गर्ने र क्षेत्रको प्राकृतिक आवासलाई संरक्षित गर्ने ठूलो सम्भावना रहेको उनले उल्लेख गरेका छन्।
मुख्यमन्त्रीले च्याखुङमा नेताजी सुभाषचन्द्र बोस युनिवर्सिटी अफ् एक्सिलेन्स निर्माण स्थलको भ्रमण गरे। भ्रमण अवधि उनले यस महत्वाकांक्षी शैक्षिक परियोजनाको चलिरहेको कामको समीक्षा गर्दै समग्र प्रगतिको मूल्याङ्कन गरेको आज सामाजिक सञ्जालमा जानकारी गराएका छन्। मुख्यमन्त्रीले यस संस्थानको निर्माण चरणदेखि यसको अन्तिम सञ्चालनसम्म, विश्वविद्यालयले यस क्षेत्रमा आर्थिक गतिविधि र समावेशी वृद्धिको लागि उत्प्रेरकको रूपमा काम गर्ने बताएका छन्।
यसरी नै मुख्यमन्त्री तामाङले पश्चिम सिक्किमको दोदकमा निर्माणाधीन वृन्दावन पार्क परियोजनाको निर्माण स्थलको भ्रमण गरे। आफ्नो भ्रमण अवधि मुख्यमन्त्रीले आफ्नो भ्रमणको क्रममा यस क्षेत्रलाई समृद्ध बनाउने उद्देश्यले भइरहेको विकासलाई नजिकबाट समीक्षा गर्नुका साथै यस अद्वितीय पहलको प्रगतिको मूल्याङ्कन गरे। उनले यो विकासले यस क्षेत्रलाई सुन्दर बनाउने मात्र नभई यसको सामाजिक-आर्थिक उत्थानमा पनि योगदान पुर्याउने विश्वास व्यक्त गरेका छन्।
