पाकिम, 15 अक्टूबर । रणजी ट्रफी २०२५–२६ को पहिलो घरेलु खेल आजदेखि सिक्किम र मणिपुरबीच सिक्किम क्रिकेट ग्राउन्ड, रम्फूमा शुरु भएको छ।
भारतीय क्रिकेट नियन्त्रक बोर्डद्वारा आयोजना गरिने रणजी ट्रफी भारतको प्रमुख घरेलु फर्स्ट–क्लास क्रिकेट प्रतियोगिता हो, जुन हरेक वर्ष खेलिन्छ। सिक्किमले सन् २०१८–१९ सिजनदेखि यस प्रतियोगितामा सहभागिता जनाउँदै आएको छ, जब सिक्किम क्रिकेट संघलाई बीसीसीआईको पूर्ण सदस्यता प्राप्त भएको थियो।
आजको उद्घाटन दिनको खेलमा पुलिस महानिर्देशक अक्षय सचदेव, सूचना तथा जनसम्पर्क विभागकी सचिव अन्नपूर्ण अल्ले, एसबीएसका प्रबन्ध निर्देशक फुर्बा वाङ्दी भोटिया, तथा एसआईसीए अध्यक्ष टिका सुबा उपस्थित थिए। यसैगरी, विभिन्न खेल संघका प्रतिनिधिहरू, एसआईसीएका सदस्यहरू र सर्वसाधारण दर्शकहरू पनि उपस्थित थिए।
९१औं संस्करणको रणजी ट्रफी अक्टोबर १५ बाट सुरु भएको हो, जसमा ३८ टिमहरू सहभागी छन्, जसलाई एलीट र प्लेट डिभिजनमा विभाजन गरिएको छ। सिक्किम प्लेट डिभिजनमा खेल्दैछ, जहाँ मणिपुर, अरुणाचल प्रदेश, बिहार, मेघालय र मिजोरम छन्। प्रत्येक टोलीले पाँच लिग खेल खेल्नेछ, र शीर्ष दुई टोलीहरू जनवरी २०२६ मा हुने प्लेट डिभिजन फाइनलमा छनोट हुनेछन्।
सिक्किमले आफ्नो २०२५–२६ सिजन आज मणिपुरविरुद्ध घरेलु मैदानमा शुरु गरेको हो। यस सिजन सिक्किमले तीन घरेलु खेल माइनिङमा र दुई खेल बाह्य खेल्नेछ।
अर्को खेल अक्टोबर २५ देखि २८ सम्म मेघालयविरुद्ध शिलङमा हुनेछ। त्यसपछि टोली नोभेम्बर १ देखि मिजोरमविरुद्ध आनन्द (गुजरात) मा भिड्नेछ। अन्तिम दुई लिग खेलहरू बिहारविरुद्ध (नोभेम्बर ८–११) अरुणाचल प्रदेशविरुद्ध (नोभेम्बर १६–१९) घरेलु मैदानमा हुनेछन्।
सबै खेलहरूको सञ्चालन एसआईसीएका अम्पायरहरूले गरिरहेको बताइएको छ।
