राज्यपालले उत्तर सिक्किममा विभिन्न परियोजनाहरूको अवलोकन गरे

गान्तोक, 04 अप्रेल । सिक्किमका राज्यपाल ओमप्रकाश माथुरले आज उत्तर सिक्किम भ्रमणको दोस्रो दिन विभिन्न महत्वपूर्ण स्थानहरूको निरीक्षण गरे। उनले सबैभन्दा पहिला जेमा-II पुलको निरीक्षण गरे। यस अवसरमा उनले 360 फीट लामो बेली सस्पेन्शन ब्रिजको पनि अवलोकन गरे, जसको निर्माण कार्य चॉंडै पूर्ण हुने सम्भावना रहेको बताइएको छ।
लोकभवनका अनुसार, लेफ्टिनेन्ट कर्नल हेमन्त कुमारले राज्यपाललाई परियोजनाको प्रगति, प्राविधिक विवरण र निर्माण कार्यको वर्तमान स्थितिको विस्तृत जानकारी दिए। राज्यपालले निर्माण कार्यको सराहना गर्दै भने, यी पुलहरूको निर्माण कार्य पूरा भएपछि उत्तर सिक्किमका सीमावर्ती क्षेत्रहरूमा आवागमन सुगम हुनेछ र स्थानीय जनता पनि लाभान्वित हुनेछन्।
यसपछि, राज्यपालले गुरुदोङ्गमार लेक (17,000 फीट) को भ्रमण एवं निरीक्षण गरे। उनले भारतीय सेनाको मिशन अपरेशन सद्भावना अन्तर्गत चलिरहेको विभिन्न विकास परियोजनाहरूको अवलोकन गरे, जसमा कम्युनिटी हल, टुरिस्ट भ्यु पोइन्ट र यूटिलिटी सुविधाहरू प्रमुख छन्।
यस अवसरमा राज्यपालले केही अतिरिक्त परियोजनाहरूको प्रस्ताव पनि राखिएको थियो, जसमा मुख्य रूपमा प्रेयर व्हील्स र सैनिकहरूको प्रतीमा सामेल थिए। उनले यी प्रस्तावित परियोजनाहरूलाई पूर्ण समर्थन गर्दै हर सम्भव सहयोगको आश्वासन दिए। यसपछि, उनले आईटीबीपी केराङ पोस्ट, डोङ्क्याला पास, युमथाङ घाटीको पनि भ्रमण गरे।