नाम्ची, 29 अगस्त। नाम्ची-सिङ्गीथाङ निर्वाचन क्षेत्रका विधायक सतिशचन्द्र राईको अगुवाईमा आज साम्ड्रुप्चेको प्रवेश बिन्दुदेखि नाम्ची बजारसम्म संयुक्त निरीक्षण सम्पन्न गरियो। निरीक्षण अवधि पार्षद नर्बु भोटिया, जिल्लापाल अनुपा तामलिङ तथा विभिन्न लाइन विभागका अधिकारीहरू सहभागी थिए।
निरीक्षणको क्रममा विधायक राईले भविष्यमा हुने पूर्वाधार विकाससँगै सडक र स्ट्रीट लाइटहरूको पुनर्स्थापना र पुनर्निर्माणको लागि आकलन गरे।
उनले पहिले नै अवस्थित रक गार्डेन क्षेत्रलाई नयाँ गन्तव्यमा पुनर्निर्माण गर्ने प्रस्ताव राखे, जसले गर्दा फिटनेस उत्साही र साहसिक गतिविधि खोज्नेहरूलाई आकर्षित गर्न सकियोस्। लागुऔषधको खतरा विरुद्ध प्रशासनको लडाईको बारेमा कुरा गर्दै उनले सम्बन्धित अधिकारीहरूलाई सडक छेउ ती स्थानहरूमा स्ट्रीट लाइट लगाउन सल्लाह दिए, जहॉं लागुऔषध ओसारपसारका घटनाहरू अघि आउने गर्दछ।
विधायक राईले नाम्चीका वरिष्ठ पुलिस अधीक्षकलाई अतिरिक्त पेट्रोलिङको लागि आह्वान गरे भने पुलिस अधीक्षकले पनि पूर्ण समर्थनको आश्वासन दिए। उनले बजार क्षेत्र वरिपरि चौडा सडक र उचित ढल निकासी प्रणालीको आवश्यकतामाथि जोड दिए। उनले नालीहरूबाट पाइपलाइन र बिजुलीका केबलहरू स्थानान्तरण गर्न पीएचई, यूडी र विद्युत विभागका अधिकारीहरूलाई सल्लाह दिए।
यस निरीक्षण भ्रमण अवधि जिल्ला प्रशासन र विभिन्न विभागका अधिकारीहरूको उपस्थिति रहेको थियो।
