गान्तोक, 26 जुलाई। पश्चिम सिक्किमको गेमन ब्रिजबाट एक पिता आफ्नी सात महिनाकी नवजात शिशुसॅंग हाम फालेको ह्रदय विदारक घटना अघि आएको छ। यो घटना शुक्रवार घटेको हो।
पुलिस सूत्रहरूबाट प्राप्त जानकारी अनुसार, अप्पर लेगसेप निवासी कौशिला शर्माले लेगसेप आउटपोस्टमा आएर मौखिक रूपमा उक्त घटनाको जानकारी पुलिसलाई दिइन्। श्रीमती शर्माले उनको 23 वर्षीय पति दिनेश दास आफ्नी सात महिनाकी नवजात छोरीलाई लिएर राभाङला मार्ग अन्तर्गत लेगसेपस्थित गेमन ब्रिजबाट हाम फालेको बताइन्।
महिलाको सूचनाको आधारमा पुलिस टीमले तत्काल कारबाही शुरू गर्दै घटनास्थलदेखि पिपले ड्यामसम्म खोजी अभियान चलायो। तर, यस अवधि उनीहरूको पत्ता लागेन। पुलिसले खोजी अभियान जारी राखेको छ।
Leave a comment