सिक्किम ब्रदरहुड एफसीद्वारा सिन्योल्चु एफसी पराजित

गान्तोक, 08 अगस्त। ८०औँ स्वतन्त्रता दिवसको अवसरमा आयोजना भइरहेको सर छोग्याल टाशी नामग्याल मेमोरियल कप २०२६ अन्तर्गत आज दोस्रो खेल सिक्किम ब्रदरहुड फुटबल क्लब र सिन्योल्चु फुटबल क्लबबीच सम्पन्न भयो।सिक्किम फुटबल एसोसिएसनको आयोजनामा जारी प्रतियोगिताको रोमाञ्चक खेलमा सिक्किम ब्रदरहुड एफसीले सिन्योल्चु एफसीलाई ३-१ गोलले पराजित गर्दै प्रभावशाली जित दर्ता गर्यो। सिक्किम ब्रदरहुड एफसीका लागि याकुबुले १४औँ र ४९औँ मिनेटमा दुई गोल गरे भने हर्बर्टले ६१औँ मिनेटमा थप एक गोल गर्दै टोलीलाई ३-० को अग्रता दिलाए।सिन्योल्चु एफसीका सुजन माङ्गरले ८०औँ मिनेटमा एक गोल गरेका थिए। यद्यपि, ब्रदरहुड एफसीले खेलको अन्तिमसम्म आफ्नो अग्रता कायम राख्दै ३-१ को जित सुनिश्चित गर्यो। विजयी दलका खेलाडी अनुराग छेत्री (जर्सी नम्बर १४) लाई उत्कृष्ट प्रदर्शनका लागि म्यान अफ द म्याच घोषित गरियो।यस अवसरमा सिक्किम सरकारका मुख्य सूचना आयुक्त कुबेर भण्डारी मुख्य अतिथिका अतिथिका रूपमा उपस्थित थिए।