प्रधानमन्त्री नरेन्द्र मोदीको भ्रमणलाई लिएर तयारी तीव्र, संयुक्त निरीक्षण सम्पन्न

गान्तोक, 10 अप्रेल । प्रधानमन्त्री नरेन्द्र मोदीको प्रस्तावित सिक्किम भ्रमणलाई लिएर तयारी तीव्र पारिएको छ। यस क्रममा आज राजधानी तथा वरपरका ठाउॅंहरूको संयुक्त निरीक्षण सम्पन्न गरियो। गान्तोकका एसडीएम महेन्द्र छेत्रीको अगुवाईमा गरिएको निरीक्षण अवधि विभिन्न विभागका अधिकारीहरू समोल थिए।
निरीक्षणको उद्देश्य भ्रमण सम्बन्धित व्यवस्थाको मूल्याङ्कन र समन्वय गर्नु तथा गान्तोकमा निर्धारित कार्यक्रमको लागि सबै प्रशासनिक उपायहरू सुनिश्चित गर्नु थियो। टोलीले स्थल, आवास सुविधा र यातायात मार्गहरूको तयारीको समीक्षा गर्‍यो। टोलीले सडक अवस्था र ट्राफिक व्यवस्थापन योजनाहरूका साथै आपतकालीन प्रतिक्रिया व्यवस्थासँगै हेलिप्याड र विमानस्थलको पनि मूल्याङ्कन गर्‍यो।
निरीक्षण टोलीले पुलिस, स्वास्थ्य सेवा, सार्वजनिक निर्माण र जिल्ला प्रशासन लगायत विभागहरूबीचको समन्वयमा पनि ध्यान केन्द्रित गर्‍यो ताकि अन्तर-निकाय कार्यहरू सुचारु रूपमा सम्पन्न गर्न सकियोस्। कार्यक्रमको प्रभावकारी कार्यान्वयनलाई समर्थन गर्न भीड व्यवस्थापन उपायहरू र सञ्चार प्रणालीहरूमा विशेष ध्यान दिइएको थियो।