एसकेएमले तीन राज्यमा ऐतिहासिक जितका लागि दियो भाजपा र एनडीएलाई हार्दिक बधाई

गान्तोक, 04 मई । सत्तारुढ़ सिक्किम क्रान्तिकारी मोर्चा (एसकेएम) पार्टीले असम, पश्चिम बंगाल र पुडुचेरीमा ऐतिहासिक र उल्लेखनीय विजय हासिल गरेकोमा भारतीय जनता पार्टी (भाजपा) र राष्ट्रिय लोकतान्त्रिक गठबन्धन (एनडीए) लाई हार्दिक बधाई दिएको छ।
एसकेएम प्रवक्ता बिकास बस्नेतले आज जारी प्रेस बयानमा भने, यी ऐतिहासिक जनादेशहरूले प्रधानमन्त्री नरेन्द्र मोदीको परिवर्तनकारी नेतृत्वको शक्तिशाली र स्पष्ट समर्थनलाई प्रतिनिधित्व गर्दछ। एक भारत, श्रेष्ठ भारत, सबका साथ, सबका विकास, सबका विश्वास, सबका प्रयास र विकसित भारत २०४७ को महत्वाकांक्षी दृष्टिकोणले राष्ट्रलाई समावेशी विकास, लचिलोपन र प्रगतिको मार्गमा एकताबद्ध र प्रेरित गरिरहेको छ। केन्द्रिय गृहमन्त्री अमित शाहको निर्णायक नेतृत्व र रणनीतिक दूरदर्शिताले यस राष्ट्रिय दृष्टिकोणलाई अझ बलियो र सुदृढ़ बनाएको छ।
उनले सिक्किमका जनता र एसकेएम परिवारको तर्फबाट यस उल्लेखनीय उपलब्धिको लागि भाजपा र एनडीएका सबै नेताहरू र कार्यकर्ताहरूलाई हार्दिक बधाई र शुभकामना व्यक्त गरेका छन्। उनले यी शानदार विजयहरूले बलियो, स्थिर शासन, जनमुखी नीतिहरू, प्रगतिशील र अग्रगामी भविष्यमा जनताले देखाएको गहिरो विश्वासलाई प्रतिबिम्बित गर्दछ भनेका छन्।
एसकेएमले एनडीएको प्रतिबद्ध सहयोगीको रूपमा एसकेएमले विकसित, आत्मनिर्भर र सशक्त भारत निर्माण गर्न सरकारसँग नजिकबाट काम गर्ने आफ्नो प्रतिबद्धतालाई पुन: दोहोऱ्याएको छ।