चुङथाङमा फसेका पर्यटकहरू साङ्कालाङको बेली ब्रिज हुॅंदै गान्तोक आउने क्रम जारी

गान्तोक, 25 अप्रेल। उत्तर सिक्किमको चुङथाङबाट पर्यटकहरूलाई सुरक्षित फिर्ता गर्ने प्रक्रिया आज बिहानदेखि साङ्कालाङमा नवनिर्मित बेली ब्रिज हुँदै शुरु गरिएको छ। हालको साङ्कालाङको बेली ब्रिज भएर सवारी साधनहरू पार भइरहेका छन् र मंगन हुँदै गान्तोक आउने क्रममा छन्।
भारतीय सेनाको त्रिशक्ति कोरले हालैमा तयार गरेको बेली ब्रिजको हिजो मात्र उद्घाटन गरिएको थियो। मंगन जिल्लाका जिल्लापाल अनन्त जैन र एसपी सोनाम डी. भोटियाले बिहान साङ्कालाङ पुगेर स्थितिमाथि निगरानी राखेका थिए। साङ्कालाङको अवस्थाको अवलोकन गरेपछि जिल्लापाल, पुलिस अधीक्षक र जिल्ला आपदा प्रबन्धन विभागका उपनिर्देशक थप आकलनको निम्ति चुङथाङतिर प्रस्थान भएका छन्।
जिल्लापाल जैनले भने, हिजो परेको भारी वर्षाका कारण लाचेन र लाचुङ जाने बाटो बन्द भयो। यस कारण दुई ठाउॅंमा पर्यटकहरू फसेका थिए। चुङथाङमा फसेका पर्यटकहरू गान्तोक फर्किरहेका थिए। उनीहरूलाई आज साङ्कालाङ बेली ब्रिज भएर पठाउने कार्य चलिरहेको छ।
उनले चुङथाङ अगाडि फसेका पर्यटकहरू लाचेन र लाचुङ गइरहेका थिए। उनीहरूलाई गुरुद्वारा, आईटीबीपी क्याम्प र स्थानीय मानिसहरूले आश्रय उपलब्ध गराएका छन्। जिल्लापालले लाचुङ जाने बाटो आज सॉंझसम्म खोल्ने प्रयास चलिरहेको ग्रेफमार्फत थाहा लागेको जानकारी गराए।
उल्लेखनीय छ, बिहिवार साँझ भारी वर्षाका कारण गएको पैह्रोका कारण लाचेन र लाचुङ जाने सडकहरू बन्द भएको थियो। सडक मार्गहरू बन्द भएपछि घुम्न गएका पर्यटकहरू फसेका थिए। यात्रीहरूको निरन्तर आवागमन र सुरक्षा सुनिश्चित गर्न प्राथमिकताका साथ पुनर्स्थापना कार्य भइरहेको छ।
लाचुङ र लाचेनमा फसेका पर्यटकहरू सुरक्षित छन् भनी सुनिश्चित गर्न जिल्ला प्रशासनले सबै आवश्यक व्यवस्था गरेको बताइएको छ।
[5:37 pm, 25/4/2025] Bishal Da hindustan Times: राज्यपालले मुख्य सचिवबाट उत्तर सिक्किमको स्थितिको बारेमा जानकारी लिए
गान्तोक, 25 अप्रेल। उत्तर सिक्किममा हिजो सॉंझ भएको भारी वर्षाका कारण पैह्रोले यातायात अवरुद्ध बनेपछि धेरै संख्यामा पर्यटकहरू प्रभावित बनेका छन्। यस सम्बन्धमा आज राज्यपाल ओम प्रकाश माथुरले राज्यका मुख्य सचिव आर. तेलाङबाट स्थितिको बारेमा जानकारी लिएका छन्।
राज्यपालले राहत कार्यलाई अझ सुचारू रूपमा सञ्चालित गर्न र प्रभावित पर्यटकहरूलाई चॉंडोभन्दा चॉंडो सुरक्षित स्थानसम्म पुऱ्याउने व्यवस्था सुनिश्चित गर्न निर्देश दिएका छन्।
मुख्य सचिव तेलाङले राहत एवं बचाउ कार्यको प्र​गतिको बारेमा जानकारी गराउॅंदै प्रशासन यस कार्यमा सक्रिय रहेको र स्थिति नियन्त्रणमा रहेको बताए। उनले आज रातिसम्म सबै पर्यटकहरूलाई सुरक्षित रूपमा गान्तोक ल्याउने व्यवस्था गरिएको बताएका छन्।