गान्तोक, 17 मार्च। सिक्किम विधानसभाका अध्यक्ष एमएन शेर्पाले आज राज्यपाल ओम प्रकाश माथुरलाई राजभवनमा शिष्टाचार भेट गरे। विधानसभा अध्यक्षको साथमा विधानसभाका सचिव, प्रधान निदेशक र निजी सचिव पनि उपस्थित थिए।
यस भेटको क्रममा अध्यक्ष शेर्पाले राज्यपाललाई आगामी 26 मार्चदेखि शुरू हुन लागिरहेको 11औं विधानसभा, द्वितीय सत्र (भाग III), बजेट सत्र 2025-26 मा आफ्नो अभिभाषण राख्नको निम्ति निमन्त्रणा दिए। यस अतिरिक्त, अध्यक्ष शेर्पाले आगामी सत्रका एजेन्डाहरूको बारेमा पनि राज्यपाललाई जानकारी दिए।
राज्यपालले निमन्त्रणालाई स्वीकार गर्दै सत्रको सफल सञ्चालनको निम्ति आफ्नो शुभकामना दिए।
