भारी हिमपातका कारण फसेका २,७३६ पर्यटक सकुशल उद्धार

गान्तोक, 25 फरवरी । पूर्व सिक्किमका प्रसिद्ध पर्यटकीय गन्तव्यहरु शेरेथाङ र छाङ्गु पोखरी छेउछाउका क्षेत्रहरूमा मंगलबार भएको भारी हिमपातका कारण 15 माइल र छाङ्गुबीच धेरै पर्यटक वाहनहरू फस्यो। भारी हिउँपात र सड़क अवरोधका कारण लगभग २,७३६ पर्यटक बोकेका ५४१ पर्यटक सवारीहरू अड्किएका थिए। उक्त जानकारी राज्य पर्यटन तथा नागरिक उड्डयन विभागले दिएको छ।विभागले बताए अनुसार, एसएचओ, चेकपोस्ट अधिकारीहरू, टुरिज्म पर्मिट सेलका अधिकारीहरू, आस्था, ग्रेफ/बीआरओ कर्मीहरु आस्थाका अध्यक्ष र सदस्यहरू, जेएन रोड चालक संगठन, ट्राभल एजेन्सीहरू र अन्य स्थानीय सरोकारवालाहरूको उपस्थितिमा तत्काल उद्धार र निकासी कार्यहरू गरिए। समन्वयित र तत्पर प्रयासहरूबाट सबै अड्किएका सवारीहरू र पर्यटकहरूलाई सफलतापूर्वक निकालियो।सिक्किम पुलिस, ग्रेफ/बीआरओ, चालक संघहरू र सरोकारवालाहरूको सक्रिय सहयोगमा सबै ५४१ सवारीहरू र २,७३६ पर्यटकहरूलाई सुरक्षित र व्यवस्थित रूपमा निकालियो। सम्पूर्ण निकासी कार्य राज्य पर्यटन तथा नागरिक उड्डयन विभागको देखरेखमा सम्पन्न गरिएको बताइएको छ। पर्वियटन भागले सिक्किम पुलिस, ग्रेफ/बीआरओ, चेकपोस्ट अधिकारीहरू, टुरिज्म पर्मिट सेलका अधिकारीहरू, आस्था अध्यक्ष र सदस्यहरू, जेएन रोड चालक संघ, ट्राभल एजेन्सीहरू र सबै स्थानीय सरोकारवालाहरूलाई उनीहरूको तत्काल प्रतिक्रिया, समन्वय र अथक प्रयासहरूका लागि हार्दिक धन्यवाद र कृतज्ञता व्यक्त गरेको छ। सबैको सामूहिक सहयोगले परिस्थितिलाई कुशलतापूर्वक प्रबन्धन गरिएको विभागले बताएको छ।पर्यटन तथा नागरिक उड्डयन विभागले सबै पर्यटकहरू र टुर सञ्चालकहरूलाई मौसम सल्लाहहरूको कडाइका साथ पालना गर्न र हिमपातका अवस्थामा सवारीहरूमा अनिवार्य स्नो चेनहरूसहित अन्य आवश्यक विषय सुनिश्चित गर्न सल्लाह दिएको छ।