सांसद सुब्बाले बीआरओका महानिर्देशकलाई भेटेर सिक्किममा सडक पूर्वाधार परियोजनाहरूको बारेमा छलफल गरे

गान्तोक, 10 फरवरी । सिक्किमका लोकसभा सांसद डा. इन्द्रहाङ सुब्बाले नयाँ दिल्लीमा सीमा सडक संगठन (बीआरओ) का महानिर्देशक लेफ्टिनेन्ट जनरल हरपाल सिंहलाई भेटेर सिक्किममा चलिरहेका र प्रस्तावित सडक पूर्वाधार परियोजनाहरूको बारेमा छलफल गरेका छन्। उनले बीआरओ महानिर्देशक समक्ष विशेष रूपमा आगामी मनसुनलाई लिएर बीआरओको तयारीबारे आफ्ना चिन्ताहरू व्यक्त गरे।
उक्त जानकारी आज जारी एक प्रेस विज्ञप्तिमा दिइएको छ। सांसद सुब्बाले नयॉं दिल्लीस्थित मुख्यालयमा बीआरओका महानिर्देशक लेफ्टिनेन्ट जनरल हरपाल सिंहलाई भेटेर उनलाई बीआरओको महानिर्देशकको जिम्मेवारी सुम्पिएकोमा बधाई दिए। यस भेटको क्रममा सांसदले सिक्किममा चलिरहेका र प्रस्तावित सडक पूर्वाधार परियोजनाहरूको बारेमा छलफल गर्दै क्षेत्रीय सम्पर्क, विकास र रणनीतिक आवश्यकताहरूको लागि यसको महत्त्वलाई जोड दिए।
यसैगरी, उनले उत्तर सिक्किम राजमार्गको उल्लेख गर्दै बीआरओको मनसुन तयारीको बारेमा आफ्ना चिन्ताहरू व्यक्त गरे। उनले सुरक्षा र निर्बाध आवागमन सुनिश्चित गर्न अग्रिम योजना, रोकथामका उपायहरू र द्रुत प्रतिक्रिया संयन्त्रको आवश्यकतामा जोड दिए।
बीआरओ लेफ्टिनेन्ट जनरल हरपाल सिंहले सांसद सुब्बालाई बीआरओद्वारा गरिएका तयारी उपायहरू र पहलहरूको बारेमा जानकारी गराए। उनले विशेष गरी मनसुनको मौसमा सिक्किममा महत्वपूर्ण सडक पूर्वाधारलाई सुदृढीकरण र मर्मत गर्ने प्रतिबद्धता व्यक्त गरे।