पाकिम, 07 जून। उत्तर सिक्किमको छातेनबाट हवाई उद्धार अभियान आज बिहान एमआई-17 हेलिकप्टरहरूको अन्तिम उडानसँगै समापन भएको छ। आफ्नो अन्तिम उडानको क्रममा एमआई-17 हेलिकप्टरहरूले सेनाका जवानहरूलाई पाकिम ग्रीनफिल्ड विमानस्थल लिएर आए।
जानकारी अनुसार, तीनवटा एमआई-17 हेलिकप्टरहरूद्वारा गरिएको पहिलो उडानमा जम्मा 76 जना सेनाका जवानहरूलाई हवाई उद्धार गरियो। यसका साथै छातेनबाट समन्वित उद्धार प्रयासहरू पूरा भएको छ। हिजोसम्म उत्तर सिक्किममा फसेका सबै पर्यटकहरूको सफल उद्धार गरिएको थियो।
राज्य सरकारले समग्र स्थितिको नजिकबाट निगरानी गरिरहेको छ र प्रभावितहरूलाई सबै आवश्यक सहयोग र समर्थन प्रदान गर्न प्रतिबद्ध रहेको बताइएको छ।
यस अघि आज बिहान, उत्तर सिक्किममा प्राकृतिक आपदापछि जारी राहत एवं उद्धार प्रयास अन्तर्गत दुईवटा एमआई-17 हेलीकप्टर पाकिम ग्रीनफिल्ड हवाईअड्डाबाट छातेनको निम्ति आवश्यक सामानहरू लिएर प्रस्थान गऱ्यो। हेलीकप्टरहरूले खाद्य एवं नागरिक आपूर्ति विभागका पॉंच जना अधिकारीसहित सेना र नागरिकहरूका लागि 1300 केजी राहत सामग्रीहरू लिएर गएको थियो।
