प्रतिबन्धित नशालु पदार्थको साथमा एक व्यक्ति पक्राउ

नाम्ची, 06 जुलाई । मल्ली पुलिस टीमले एक व्यक्तिलाई प्रतिबन्धित नशालु पदार्थको साथमा पक्राउ गरेको छ। पक्रा पर्ने व्यक्तिको नाम बिशाल गुरुङ बताइएको छ। आरोपी नाम्ची जिल्लाको सिङ्गीथाङ निवासी हुन्।
नाम्ची जिल्ला पुलिस अनुसार, विश्वसनीय सूत्रहरूको सूचनाको आधारमा कारबाही गर्दै मल्ली पुलिस टीमले मल्ली चेकपोस्टमा बिशाल गुरुङ नामक एक व्यक्तिलाई प्रतिबन्धित नशालु पदार्थको साथमा पक्राउ गऱ्यो। आरोपी सिलगढीबाट नाम्चीतिर आइरहेको एउटा वाहनमा थिए। कानुनी प्रक्रिया अनुसार जोरथाङका एसडीएमको उपस्थितिमा सम्पूर्ण जफत प्रक्रिया पूरा गरिएको थियो। आरोपी विरुद्ध मल्ली पुलिस थानामा साडा अधिनियम, 2006 अन्तर्गत मामिला दर्ता गरिएको छ।