एएमएसको लागि गान्तोक जिल्ला प्रशासनिक केन्द्रलाई राष्ट्रिय पुरस्कार

गान्तोक, 26 सेप्टेम्बर । गान्तोक जिल्ला प्रशासनिक केन्द्रको आफ्नो ध्वजवाहक पहल अमिन म्यानेजमेन्ट सिस्टम (एएमएस) ले राष्ट्रिय मान्यता पाउनुका साथै राष्ट्रिय पुरस्कार जितेको छ। ई-गभर्नेन्समा राष्ट्रिय पुरस्कार 2025 मा गान्तोकलाई रजत पदक प्राप्त भएको मुख्यमन्त्री प्रेमसिंह तामाङले आज सामाजिक सञ्जाल फेसबुक पोस्टमा जानकारी गराएका छन्।
मुख्यमन्त्रीले गान्तोक जिल्ला प्रशासनिक केन्द्रको यस राष्ट्रिय मान्यताप्रति खुशी व्यक्त गरेका छन्। उनले गान्तोक जिल्लाद्वारा विकसित एएमएस अब सिक्किमभरि ‘दैलोमा शासन’ को दृष्टिकोण अन्तर्गत विस्तार भइरहेको छ, जसले नागरिकहरूलाई अनलाइन राजस्व सर्वेक्षकहरू बुक गर्न र पारदर्शिता र सहजताका साथ डिजिटल रिपोर्टहरू प्राप्त गर्न सक्षम बनाउँछ भनी बताएका छन्।
मुख्यमन्त्रीले गान्तोक जिल्लाका जिल्लापाल र जिल्ला प्रशासनिक केन्द्रको सम्पूर्ण टोलीमा शुभकामना व्यक्त गर्दै नवाचार र सुशासनलाई अगाडि बढाउन उत्कृष्ट काम जारी राख्न प्रोत्साहित गरेका छन्।