क्रिएटिभ हब 2.0 मा र्‍याप ब्याटलको ग्रान्ड फिनाले सफलतापूर्वक सम्पन्न

नाम्ची, जनवरी । जोरथाङस्थित ग्रीन पार्कमा क्रिएटिभ हब 2.0 मा आयोजित र्‍याप ब्याटलको ग्रान्ड फिनाले आज उत्साहपूर्ण वातावरणबीच सफलतापूर्वक सम्पन्न भएको छ। कार्यक्रममा ठूलो संख्यामा दर्शकहरूका साथै उदीयमान हिप–हप प्रतिभाहरूको सहभागिता थियो।कार्यक्रममा मुख्यमन्त्रीका अतिरिक्त राजनीतिक सचिव छिरिङ वाङचुक लेप्चा प्रमुख अतिथिका रूपमा उपस्थित थिए। उनले सहभागीहरूको सिर्जनात्मकता र जोशको प्रशंसा गर्दै उनीहरूलाई निरन्तर अघि बढिरहन प्रेरित गरे।र्‍याप ब्याटलमा उज्ज्वल राई विजेता घोषित भएका छन्। पुरस्कारस्वरूप उनलाई प्रसिद्ध भारतीय हिप–हप रियालिटी शो ‘वाइब अन’ मा सिधा प्रवेशको अवसर प्राप्त भएको छ। साथै, उनलाई विजेता पुरस्कारअन्तर्गत एनआर समूहद्वारा प्रायोजित आधिकारिक म्युजिक भिडियोमा प्रस्तुति दिने अवसर पनि प्रदान गरिनेछ।क्रिएटिभ हब 2.0 ले युवा प्रतिभा तथा समसामयिक कलात्मक अभिव्यक्तिलाई प्रवर्द्धन गर्ने सशक्त मञ्चका रूपमा अझ सुदृढ़ बनाएको बताइएको छ।