ईआरओ गेजिङद्वारा एसआईआर अभ्यासमाथि प्रशिक्षण एवं अभिमुखीकरण कार्यशाला आयोजित

गेजिङ, 23 मई। गेजिङ जिल्लाका निर्वाचन पञ्जीकरण अधिकारी (ईआरओ) एवं महकुमा अधिकारी सन्देश सुब्बाले आज याङथाङ र गेजिङ बर्मेक निर्वाचन क्षेत्रका ईआरओ, सहायक ईआरओ, अतिरिक्त एईआरओ, बुथ स्तरी अधिकारी (बीएलओ) र बुथ स्तरी एजेन्ट (बीएलए) का लागि गेजिङ जिल्ला भवनको सम्मेलन हलमा प्रशिक्षण एवं अभिमुखीकरण कार्यक्रम सञ्चालन गरे। कार्यक्रमको अध्यक्षता जिल्लापाल एवं जिल्ला निर्वाचन अधिकारी तेन्जिङ डी. डेन्जोङ्पाले गरेको थियो।
एसडीएम सुब्बाले पावरपोइन्ट प्रस्तुतीकरण मार्फत प्रशिक्षण सञ्चालन गरेका थिए। उनले राज्यमा एसआईआर प्रक्रियाको महत्त्वमाथि प्रकाश पार्दै एसआईआर प्रक्रियाका प्रमुख विशेषताहरू, गणना फारम, मस्यौदा मतदाता नामावलीको तयारी र मतदाता नामावलीमा नाम नभएका व्यक्तिहरूको सुनुवाई र प्रमाणीकरणको बारेमा विस्तृत रूपमा बताए।
उनले सहभागीहरूलाई एसआईआर तालिका, विशेष गरी गणना चरण, को बारेमा जानकारी गराउॅंदै यस अवधि बीएलओहरूले गणना फारम वितरण र सङ्कलनको लागि घर-घर भ्रमण गर्ने बताए। उनले यो अभ्यासलाई सहज रूपमा सञ्चालन गर्न एक-अर्कासँग नजिकबाट समन्वय गर्न आग्रह गरे। उनले मतदाता नामावलीको शुद्धता सुनिश्चित गर्न राज्यमा एसआईआर अभ्यासको आवश्यकताको बारेमा पनि बताए।
जिल्लापाल डेन्जोङ्पाले एसआईआरको महत्त्वमाथि प्रकाश पार्दै बीएलओ र मतदाताहरूको भूमिका र जिम्मेवारीहरूको बारेमा बताए। उनले बीएलओहरूलाई अभ्यास सफलतापूर्वक सम्पन्न गर्न बीएलएहरूसँग समन्वय गर्न आग्रह गरे। उनले ईआरओ, एईआरओ र अतिरिक्त एईआरओहरूको महत्त्वपूर्ण भूमिकामा जोड दिँदै एसआईटार अभ्यासलाई सर्वोच्च प्राथमिकता दिन र पूर्ण प्रतिबद्धताका साथ यसलाई कार्यान्वयन गर्न निर्देशन दिए।
याङथाङका महकुमा अधिकारी एवं ईआरओ अग्नि प्रसाद छेत्रीले सबै बीएलओहरू पूर्ण प्रक्रियाको मेरुदण्ड भएकाले उनीहरूलाई इमानदारी र सावधानीका साथ आफ्नो जिम्मेवारी पूरा गर्न निर्देशन दिए। यसरी नै एडीसी (मुख्यालय) तृप्ति हाङ्गमा सुब्बाले यो अभ्यास लगभग दुई दशकपछि सञ्चालन भइरहेको बताउॅंदै स्वच्छ र सही मतदाता नामावली सुनिश्चित गर्न महत्त्वपूर्ण रहेको बताइन्। छ। उनले ८५ वर्ष र माथिका व्यक्तिहरूको लागि गरिएको विशेष व्यवस्थाबारे पनि जानकारी दिइन्।