मुख्यमन्त्रीले मिन्तोकगाङमा कार्यरत जीएमसीका दुई समर्पित कर्मचारीहरूको सराहना गरे

गान्तोक, 30 जून । मुख्यमन्त्री प्रेमसिंह तामाङले मिन्तोकगाङमा कार्यरत गान्तोक नगर निगम (जीएमसी) का दुई जना कर्मचारीहरूसॅंग भेट गरेर उनीहरूको समर्पण र अथक प्रयासप्रति सम्मान व्यक्त गरेका छन्।
मुख्यमन्त्रीले आज सामाजिक सञ्जाल फेसबुक पोस्टमा जीएमसीका दुई समर्पित कर्मचारी दीपक राउत र प्रियंका मोथेसॅंग आफ्नो आधिकारिक निवासमा भेट भएकोमा खुशी व्यक्त गरेका छन्।
मुख्यमन्त्रीले भने, ‘उनीहरूको कडा परिश्रम र प्रतिबद्धता प्रायः बेवास्ता गरिन्छ, यद्यपि उनीहरूको प्रयासले हाम्रो वरपर सफा, व्यवस्थित र स्वागतयोग्य राख्न अर्थपूर्ण भिन्नता ल्याउँछ। उनीहरूको इमान्दार सेवाले हाम्रो छिमेकको गरिमा र सुन्दरता कायम राख्न मद्दत गर्दछ।’
उनले उनीहरूको समर्पण र अथक प्रयासको लागि उनीहरूलाई हार्दिक धन्यवाद दिएका छन्। मिन्तोकगाङमा पालैपालो काम गर्दै उनीहरूले ठूलो जिम्मेवारी र प्रतिबद्धताका साथ सेवा गरिरहन्छन् भनी मुख्यमन्त्रीले उल्लेख गरेका छन्।