केन्द्रिय राज्यमन्त्री सावित्री ठाकुरले नाम्ची जिल्लाको तीन दिवसीय भ्रमण सम्पन्न गरिन्

नाम्ची, 13 मई। भारत सरकारको महिला तथा बाल विकास मन्त्रालयकी केन्द्रिय राज्यमन्त्री सावित्री ठाकुरले विभिन्न स्थानहरूको भ्रमणका साथै केन्द्रिय सरकारका योजनाहरू अन्तर्गत कार्यान्वयन भइरहेका विकासात्मक गतिविधिहरूको समीक्षा गरेपछि आज नाम्ची जिल्लाको आफ्नो तीन दिवसीय औपचारिक भ्रमण सम्पन्न गरिन्।
भ्रमणका क्रममा केन्द्रिय मन्त्रीले जिल्लाभरि चलिरहेका विकास परियोजनाहरूको निरीक्षण गरिन्, लाभार्थीहरूसँग अन्तरक्रिया गरिन् र जिल्लामा विभिन्न कल्याणकारी पहलहरूको कार्यान्वयन र प्रगतिको समीक्षा गरिन्। सिद्धेश्वर धामको भ्रमणपछि केन्द्रिय राज्यमन्त्रीलाई हर्राबोटेमा एसडीएम (जोरेथाङ) बीबी राई र पञ्चायत सदस्यहरूले स्वागत गरे, जहाँ उनले प्रधानमन्त्री ग्राम सडक योजना (पीएमजीएसवाई) अन्तर्गत निर्माण गरिएको सडकको निरीक्षण गरिन्।
त्यसपछि, उनले राज्य ग्रामीण विकास तथा पञ्चायती राज संस्थानको भ्रमण गरिन्। संस्थानमा प्रशिक्षार्थीहरूलाई सम्बोधन गर्दै केन्द्रिय राज्यमन्त्रीले महिला सशक्तिकरणको महत्त्वमा जोड दिॅंदै राष्ट्र निर्माणमा महिलाहरूले खेल्न सक्ने महत्त्वपूर्ण भूमिकामाथि प्रकाश पारिन्। स्व-सहायता समूहको योगदानको बारेमा बोल्दै उनले सक्रिय राजनीतिमा प्रवेश गर्नु अघि एसएचजीसँगको आफ्नो सम्बन्धको बारेमा विचार साझा गरिन्।
त्यसपछि, केन्द्रिय राज्यमन्त्रीले जोरथाङस्थित वान स्टप सेन्टर (ओएससी) को भ्रमण गरिन्। उनले केन्द्रको संक्षिप्त निरीक्षण गरिन् तथा यसको पूर्वाधार र सञ्चालन क्षमताको मूल्याङ्कन गरिन्।