पोप फ्रान्सिसको निधनप्रति मुख्यमन्त्रीद्वारा गहिरो दु:ख प्रकट

गान्तोक, 21 अप्रेल। मुख्यमन्त्री प्रेमसिंह तामाङले परम पावन पोप फ्रान्सिसको निधनप्रति गहिरो दु:ख व्यक्त गरेका छन्। उनले पोप फ्रान्सिस केवल एक आध्यात्मिक नेता मात्र थिएनन्, तर आशा र नम्रताको प्रकाश पनि थिए भनी बताएका छन्।
मुख्यमन्त्रीले आज सामाजिक सञ्जाल फेसबुक पोस्टमा शान्ति र एकताको लागि पोप फ्रान्सिसको गहिरो ज्ञान, करुणा र अथक प्रयासले विश्वभरका अनगिन्ती जीवनलाई छोएको उल्लेख गरेका छन्। उनले सम्पूर्ण क्याथोलिक समुदाय तथा उनको वचन र कार्यमा सान्तवना र प्रेरणा पाउने सबैप्रति आफ्नो हार्दिक समवेदना व्यक्त गरेका छन्।
मुख्यमन्त्रीले उहॉंको चिर आत्मशान्तिको कामना गर्दै उहॉंको विरासतले सबै मानिसहरूको ह्रदयमा प्रेम, विश्वास र मानवतालाई प्रेरित गरिरहन सकोस् भनी कामना पनि गरेका छन्।