माउन्टेन रश– सिक्किम टीएसडी कार र्‍याली 2025 को तेस्रो चरण सम्पन्न

सोरेङ, 25 अप्रेल। माउन्टेन रश– सिक्किम टीएसडी कार र्‍याली 2025 को तेस्रो चरण आज सोरेङको जौटारमा सम्पन्न भयो। तेस्रो चरण राभाङलाबाट शुरु भएको थियो भने योक्सम र पेलिङको मार्ग हुॅंदै आफ्नो गन्तव्य स्थल सोरेङ पुग्यो। प्राकृतिक सौन्दर्य, साँघुरो, चुनौतीपूर्ण सडकहरूको लागि परिचित मार्गले सबै सहभागीहरूको सहनशीलता, सटीकता र नेभिगेसनल कौशलको परीक्षण गरेको थियो।
लगभग 30 कार र 60 सहभागीहरूले यस चरणमा भाग लिएका थिए। यस चरणको मुख्य आकर्षण सिक्किमका स्थानीय सहभागीहरूको सशक्त प्रदर्शन थियो। उनीहरूले भारतका केही उत्कृष्ट र्‍याली टोलीहरूसँग प्रतिस्पर्धा गरे र उत्कृष्ट कौशल, फोकस र दृढ संकल्प प्रदर्शित गरे।
र्‍याली टोलीहरूलाई सोरेङमा क्षेत्र विधायक आदित्य गोले, विधायक इरुङ तेन्जिङ लेप्चा, जिल्लापाल धीरज सुवेदी, पुलिस अधीक्षक नहकुल प्रधान, एडीसी गायस पेगा तथा अन्य अधिकारीहरूले स्वागत जनाएका थिए।