मुख्यमन्त्री तामाङले त्रिवेणी संगममा गरे पवित्र स्नान

महाकुम्भ नगर, 09 फरवरी ।सिक्किमका मुख्यमन्त्री प्रेमसिंह तामाङले त्रिवेणी संगममा पवित्र स्नान गरे। उनी यस ऐतिहासिक आयोजनमा भाग लिने पूर्वोत्तर भारतको पहिलो मुख्यमन्त्री बनेका छन्।
मुख्यमन्त्री तामाङले संगम स्नानलाई आध्यात्मिक रूपान्तरणको अनुभवको रूपमा वर्णन गर्दै यो आफ्नो लागि गहिरो शान्ति र आध्यात्मिक उत्थानको क्षण भएको बताए। उनले भने, यो दिव्य आयोजनको हिस्सा हुन पाउनु मेरो लागि ठूलो भाग्यको कुरा हो। यहॉं लाखौं भक्तजन श्रद्धा र भक्तिपूर्वक भेला भएका छन् र यो ऊर्जा महसुस गर्नु अत्यन्तै प्रेरणादायी छ।
मुख्यमन्त्री तामाङले प्रधानमन्त्री नरेन्द्र मोदी र उत्तर प्रदेशका मुख्यमन्त्री योगी आदित्यनाथप्रति आभार व्यक्त गरेका छन्। उनले भने, ‘म उत्तर प्रदेशका माननीय मुख्यमन्त्री योगी आदित्यनाथ जीलाई धन्यवाद दिन्छु, जसले मलाई महाकुम्भ 2025 मा भाग लिने र त्रिवेणी संगममा स्नान गर्ने अवसर प्रदान गर्नुभयो।’
मुख्यमन्त्री तामाङसँगै सिक्किमबाट आएको प्रतिनिधिमण्डलले पनि महाकुम्भमा भाग लिए र संगममा पवित्र स्नान गरेर आध्यात्मिक लाभ प्राप्त गरे। मुख्यमन्त्रीले प्रयागराज प्रशासनले गरेको उत्कृष्ट व्यवस्थाको प्रशंसा गरे र उत्तर प्रदेशका राज्यपाल आनन्दीबेन पटेल र अन्य अधिकारीहरूलाई विशेष धन्यवाद दिए। मुख्यमन्त्री तामाङले त्रिवेणी संगमको पवित्र जलबाट आशीर्वाद लिएर सबै देशवासीको धर्म, शान्ति र सद्भावको लागि प्रार्थना गरे।
उल्लेख्य, मुख्यमन्त्रीको साथमा राज्य मन्त्रीमण्डलका सदस्यगण, विधायकहरू, अध्यक्षगण, मुख्यमन्त्रीका राजनीतिक सचिव, सिक्किमबाट गएका पण्डित, पुरोहित र बुङथिङहरूको टोली लगायत अन्य गण्यमान्य व्यक्तित्वहरूले पनि संगममा पूजा अर्चनासॅंगै पवित्र स्नान गरे।