राज्यपालले भने, सिक्किमजस्तो बहुभाषिक र बहुसांस्कृतिक राज्यमा हिन्दी संवादको पुल हो

गान्तोक, 13 सेप्टेम्बर। सिक्किमका राज्यपाल ओमप्रकाश माथुरले हिन्दी दिवसको पावन अवसरमा सिक्किमका जनतालाई हार्दिक शुभकामना व्यक्त गरेका छन्।राज्यपालले आज जारी आफ्नो सन्देशमा भने, “हिन्दी दिवसको अवसरमा म तपाई सबैलाई हार्दिक शुभकामना व्यक्त गर्दछु। हिन्दी केवल एक भाषा होइन, यो हाम्रो सांस्कृतिक चेतना, भावनात्मक अभिव्यक्ति र राष्ट्रिय एकताको सशक्त माध्यम हो। हिन्दीले उत्तरदेखि दक्षिण र पूर्वदेखि पश्चिमसम्म भारतलाई एक सूत्रमा बाँध्दै विविधतामा एकता मजबुत बनाउने काम गर्दछ।’राज्यपालले सिक्किमजस्तो बहुभाषिक र बहुसांस्कृतिक राज्यमा हिन्दी संवादको पुल हो, समरसताको आधार हो, र सामाजिक सौहार्दको संवाहक हो भनी बताएका छन्।राज्यपालले सबैलाई मिलेर हिन्दी भाषालाई केवल सम्मान मात्र नगरी, यसलाई हाम्रो दैनिक जीवनको अभिन्न हिस्सा बनाउन आह्वान गरेका छन्।